مادەنيەت جانە تىلدەر ءبولىمىنىڭ حابارلاۋىنشا, عالىمدار, زيالى قاۋىم وكىلدەرى لەنين كوشەسىن استانا كوشەسىنە اۋىستىرۋ جونىندە ءوتىنىش ءتۇسىرىپتى. زاڭدا بەلگىلەنگەن ءتارتىپ بويىنشا ءتيىستى قۇجاتتاردى جيناپ, قالالىق ءماسليحاتتىڭ تۇراقتى كوميسسياسىنا ۇسىنىپتى. قوعامدىق تىڭداۋعا كەلگەن كوپشىلىك باستاماشى توپتىڭ ۇسىنىسىن قولدادى. قوعامنىڭ پىكىرىن تىڭداعان دەپۋتاتتار داۋىسقا سالۋ ارقىلى اتاۋدى وزگەرتۋ جونىندەگى ۇسىنىستى قاناعاتتاندىرۋ تۋرالى ارنايى حاتتاما ازىرلەدى. وسى اپتادا وتكەن سەسسيا بارىسىندا 20 دەپۋتاتتىڭ بارلىعى لەنين كوشەسىن اۋىستىرۋ بويىنشا داۋىس بەرگەن.
الداعى 16 جەلتوقسان تاۋەلسىزدىك كۇنى كوشە اتاۋى استانا دەپ اتالادى. وبلىس ورتالىعىندا بۇگىنگى كۇننىڭ ماقسات-مۇددەسىن ساي كەلمەيتىن 200-داي كوشە اتاۋلارى بار.
فاريدا بىقاي,
«ەگەمەن قازاقستان»
پاۆلودار
