مۇندا سالماعى 90-95 كەلى تارتاتىن قازاقتىڭ اسىل تۇقىمدى قىلشىق ءجۇندى قۇيرىقتى قويى مەن مەرينوس قويى وسىرلۋدە. وسىنداي يگى جۇمىستاردىڭ بارىسىمەن وبلىس اكىمى ج.تۇيمەباەۆ اۋدانعا جاساعان جۇمىس ساپارى كەزىندە تانىسىپ شىقتى.
شارۋاشىلىقتىڭ جۇمىسىمەن تانىستىرعان سەرىكتەستىك باسشىسى نۇرجان ءاشىروۆ ەت ەكسپورتىن دامىتۋدى قولعا الىپ جاتقانىن اتاپ ءوتتى.
وسى رەتتە, جانسەيىت تۇيمەباەۆ وڭدەۋ ونەركاسىبىنە كوڭىل ءبولۋ كەرەكتىگىن ايتىپ, مالدى تىرىدەي ساتۋدان بولەك, ونىڭ ەتىن تەرەڭ وڭدەپ ساتۋ ماسەلەسىن دە قولعا الۋدى ۇسىندى.
ء«تۇرلى تاعامدارعا ارنايى دايىنداپ, ەتتى شەتەلگە ەكسپورتتاۋعا بولادى. بۇل قاي جاعىنان الىپ قاراساق تا ءتيىمدى», - دەگەن ءوڭىر باسشىسى اۋدان اكىمىنە كاسىپكەرلىكتى دامىتۋ باعىتىنداعى جۇمىستاردى جالعاستىرۋدى تاپسىردى.
بۇگىندە مۇندا قۇنى 275 ملن. تەڭگە بولاتىن مال بورداقىلاۋ كەشەنىنىڭ قۇرىلىسى جۇرگىزىلىپ جاتىر. قازىر ونىڭ 170 ميلليونى يگەرىلىپ, 6,5 مىڭ قوي سياتىن الاڭنىڭ قۇرىلىسى بىتكەن.
«ساپا – 2002» جشس-ءنىڭ باسشىسى نۇرجان ءاشىروۆتىڭ ايتۋىنشا, بۇگىندە مۇندا 4,5 مىڭ قوي بورداقىلانىپ جاتىر ەكەن. الداعى ۋاقىتتا جىلىنا 1 مىڭ توننا جوعارى ساپالى قوي ەتىن ءوندىرۋدى ماقسات ەتىپ وتىرعان شارۋاشىلىق جوبا تولىق اياقتالسا, بۇل كەشەندە ءبىر مەزگىلدە 10 مىڭ قويدى بورداقىلاۋعا مۇمكىندىك تۋاتىنىن ايتۋدا. سونداي-اق, مۇنداعى قوزى ەتىنە يراندىقتار مەن ارابتار قىزىعۋشىلىق تانىتسا, سەمىز قويلارعا وزبەكستان ەلىنەن سۇرانىس بار كورىنەدى. مەملەكەتتىك قولداۋلار ناتيجەسىندە جاڭا تەحنيكالارعا قول جەتكىزىپ كاسىبىن وتكەندەتىپ وتىرعانىن ايتقان شارۋاشىلىق يەسى جۇمىسپەن 120 ادامدى قامتىپ وتىرعانىنا توقتالدى.
ايتا كەتەيىك, «ساپا – 2002» جشس-دە قويدان بولەك, جىلقى مەن ءىرى قارا دا بار. جالپى, مال باسى 9 مىڭنان اسقان. مالدىڭ جەم-ءشوبى دە وسىندا ازىرلەنەدى. سەبەبى, «ساپا–2002» جشس مال شارۋاشىلىعىمەن قاتار ەليتالى بيداي, ماقسارى جانە جوڭىشقا تۇقىمىن وندىرۋمەن اينالىسادى. وسىمدىك مايىن شىعاراتىن تسەحى دا جۇمىس ىستەيدى.
