رەسەي دۇكەندەرىنىڭ سورەلەرىنە ون قازاقستاندىق ءونىم ءوندىرۋشىنىڭ تاۋارلارى ورنالاستىرىلدى. Kazakh Invest العاش رەت بۇل جوبانى 2016 جىلى ىسكە قوستى. ول كەزدە قازاقستاندىق جەتەكشى كومپانيالار رەسەيدىڭ «ماريا–را» جانە «كيروۆسكي» وڭىرلىك ساۋدا جەلىلەرىنە 42 تاۋار ءتۇرىن ۇسىنعان بولاتىن. «رەسەيدەگى قازاقستاندىق تاۋارلار اپتالىعى» ناۋقانى ءبىر ۋاقىتتا ءنوۆوسىبىر, ەكاتەرينبۋرگ, بارناۋل, كەمەر, تومسك جانە نوۆوكۋزنەتسكتە ءوتىپ, وتاندىق وندىرۋشىلەردىڭ تاۋارلارىن 900-دەي ساۋدا ورنىندا تانىستىرۋعا جول اشتى.
بىلتىر قىتاي, يران جانە رەسەي سىندى ماقساتتى ءىرى نارىقتارعا باعىتتالعان 3 شاتىرلى برەند قۇرىلدى. ولار: «Qazaq Organic Food», «KazMeat», «Halal Kazakhstan».
بيىل وتاندىق تاۋارلاردى رەسەي نارىعىندا ساتۋ مۇمكىندىگىنە يە بولۋ ءۇشىن Kazakh Invest تومسكتە «لاما» كومپانيالار توبىنىڭ ساۋدا جەلىلەرىن: INTERSPAR, SPAR, «فۋدCity», «ابريكوس», سونداي-اق, ارحانگەلسكتە, سەۆەرودۆينسكتە جانە نوۆودۆينسكتە: «پەتروۆسكي» جانە «پەتروموست» سەكىلدى ساۋدا جەلىلەرىن ىسكە قوستى. وسىلايشا, بەلگىلى قازاقستاندىق برەندتەر رەسەيدىڭ مىڭنان استام دۇكەندەرىنە ۇسىنىلدى.
ء«ىرى كولەمدى «رەسەيدەگى قازاقستان تاۋارلارىنىڭ اپتالىعى» ناۋقانى ەكىنشى جىل قاتارىنان مەملەكەتتىڭ قولداۋىمەن ءوتىپ وتىر. ءبىز كوبىنەسە ايماقتىق جانە فەدەرالدىق تەلەارنالاردا جارنامالار ۇيىمداستىرىپ, قالالاردا, ساۋدا ورتالىقتارىنىڭ ىشىندە بيلبوردتار, پرومو-پاللەتتەر, پلاكاتتار ءىلىپ, اۋديوروليكتەر قوسامىز, قازاقستاندىق ونىمدەردىڭ ءدامىن تاتۋعا ارنالعان كوپتەگەن اكتسيالار ۇيىمداستىرامىز. ەڭ باستىسى, وسى جوبانىڭ ارقاسىندا رەسەيلىك تۇتىنۋشىلار قازاقستاندىق تاۋارلاردىڭ ساپاسىن باعالاپ ۇلگەردى. اكتسيا وتكىزىلگەننەن كەيىن ساۋدا جەلىلەرىمەن جەتكىزۋ كەلىسىمشارتتارىنىڭ مەرزىمى ۇزارتىلىپ, قازاقستاندىق تاۋار رەسەي نارىعىن ءساتتى جاۋلاۋدا», — دەدى «Kazakh Invest» ۇك باسقارۋشى ديرەكتورى جالەل بولاتوۆ.
جوبا اياسىندا رەسەيدىڭ ساۋدا جەلىلەرىنە 70-كە جۋىق تاۋار ءتۇرى ۇسىنىلدى. ولاردىڭ قاتارىندا, شىرىندار, شىرىندى سۋسىندار, ليمونادتار, ۇن, ماكارون ونىمدەرى, شاي, كامپيتتەر مەن شوكولادتار, مايونەزدەر, كەتچۋپتار, سونداي-اق ايەل تازالىعىنا ارنالعان زاتتار بار.
«قازاقستاندىق تاۋارلاردى رف-ءتىڭ ساۋدا جەلىلەرىنە قوسۋ باعدارلاماسى رەسەيلىك سەرىكتەستەرمەن بايلانىس ورناتۋعا مۇمكىندىك بەردى, ءبىز رەسەيلىك ساۋدا جەلىلەرىنە ءوز ونىمدەرىمىزدى جەتكىزۋ بويىنشا كەلىسىمشارتقا العاش رەت قول قويدىق. بۇل كورشى ەلدىڭ نارىعىنا شىعىپ, قازاقستاندىق تاۋاردىڭ ەكسپورتتالۋىن ۇلعايتۋدىڭ بىرەگەي مۇمكىندىگى. ازىرگە ءبىز شاعىن توپتامامەن جەتكىزىپ جاتىرمىز, دەگەنمەن, ەكسپورت كولەمىن قازىرگىسىنەن ءۇش ەسەگە ۇلعايتامىز دەگەن جوسپار بار. بۇنداي جوبالار وتە ءتيىمدى ءارى بيزنەستە سۇرانىسقا يە», — دەپ پىكىرىمەن ءبولىستى «جاڭا ءالجان ديىرمەن كومبيناتى» جشس باس ديرەكتورى قانات تاپاەۆ.
ءوز كەزەگىندە جالەل بولاتوۆ جوبانى ىسكە اسىرۋ قازاقستاندىق تاۋارلاردىڭ شەتەلدە تانىمالدىعىن ارتتىرىپ قانا قويماي, ايماقتىق برەندتەردىڭ دە دامۋىنا ىقپال ەتەتىنىنە سەنىم ءبىلدىردى.
«پيلوتتىق جوبانى ىسكە اسىرۋ وتاندىق تاۋار وندىرۋشىلەردىڭ باسەكەگە قابىلەتتى ەكەنىن دالەلدەدى, ولار رەسەيدە ءوز تۇتىنۋشىلارىن تاۋىپ تا ۇلگەردى. «رەسەيدەگى قازاقستان تاۋارلارىنىڭ اپتالىعى» ناۋقانىن وتكىزۋ «قازاقستاندا جاسالعان» برەندىمەن ماقساتتى نارىقتاردا جەكەلەگەن برەندتەردىڭ تانىمالدىعىن ودان سايىن ارتتىرىپ, وتاندىق ءونىم وندىرۋشىلەردىڭ باسەكەلەس تاۋارلارى مەن قىزمەتتەرىنىڭ كولەمىن ۇلعايتاتىنىنا سەنىمدىمىن», — دەپ ءسوزىن تۇيىندەدى Kazakh Invest باسقارۋشى ديرەكتورى.
