كەلىسىم اياسىندا پالاتا مەن سوت زاڭنامالاردى پىسىتۋ جونىندەگى ماسەلەلەر بويىنشا جۇمىستاردى كۇشەيتەدى, سوتقا دەيىنگى داۋلاردى شەشۋدە قۇقىقتىق كومەك كورسەتەدى جانە سوت جۇيەسىنىڭ قىزمەتى تۋرالى كاسىپكەرلەردى اقپاراتتاندىرىپ وتىرادى.
وبلىستىق سوتتىڭ توراعاسى اسلامبەك مەرعاليەۆ سوتتار تاجىريبەسىندە كوبىنەسە, كاسىپكەرلەردى اقتاپ الۋ امالدارىن قولداناتىنىن, بانكروتتىق تۋرالى ءىس قوزعاۋعا اپارمايتىنىن ايتتى. ونىڭ ايتۋىنشا, قوستاناي وبلىسىندا سوتتار 24 ىستە كاسىپكەرلەردى اقتاپ العان, 23 كاسىپكەر قايتادان اياعىنان تۇرىپ, ءوزىنىڭ ءىسىن جالعاستىرعان.
مەموراندۋمعا قول قويعان وبلىستىق كاسىپكەرلەر پالاتاسىنىڭ توراعاسى مۇرات ابەنوۆ كاسىپكەرلەردى زاڭسىز سوتقا سۇيرەگەن مەملەكەتتىك ورگانداردى جاۋاپكەرشىلىككە تارتۋعا شاقىردى. وڭىرلىك پالاتا وسىنداي شارالار ۆەدومستۆولاردى تارتىپكە شاقىرادى دەگەن پىكىرىن ءبىلدىردى.
ءنازيرا جارىمبەت
«ەگەمەن قازاقستان»
قوستاناي
