اكىم ەسەپ بەردى. ەل نە دەدى؟

تالاس اۋدانىنىڭ اكىمى وڭداسىن جيەنقۇلوۆ جاقىندا ءماسليحات دەپۋتاتتارى مەن تۇرعىندار الدىندا ايماقتىڭ وتكەن جىلعى الەۋمەتتىك-ەكونوميكالىق دامۋ قورىتىندىلارى مەن بيىلعى مىندەتتەر تۋرالى ەسەپ بەردى. وعان وبلىس اكىمىنىڭ ورىنباسارى مەيرامبەك تولەپبەرگەن قاتىستى. اسقاق ماقسات جولىندا اسۋ دا كەدەرگى ەمەس اۋدان اكىمى ەسەبىن ەلباسىمىز نۇرسۇلتان نازارباەۆتىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا ءمۇم­كىندىكتەرى” اتتى قازاقستان حال­قى­نا ءداستۇرلى جولداۋىنان تۋىن­دايتىن كەلەلى مىندەتتەر بىزدەردى جاڭا بەلەستەرگە باستايدى, دەگەن سوزبەن باستادى. ەلدىڭ ەكونوميكالىق جانە الەۋمەتتىك سالاسى قاشاندا مەم­لەكەتتىڭ باستى نازارىندا بولىپ كەلەدى. اۋداننىڭ الەۋمەتتىك-ەكو­نوميكالىق دامۋىنىڭ قازىرگى جاع­دايىنا نازار اۋدارار بولساق, ءبىر­قا­تار ىلگەرىلەۋشىلىكتەردىڭ بار ەكەنى بايقالادى. وتكەن جىلى ىشكى ءونىم كولەمى 9 865,3 ميلليون تەڭ­گەگە جەتكەن. بۇل بۇرناعى جىلمەن سالىستىرعاندا 1 636,7 ميلليون تەڭگەگە ارتىق. اۋىلشارۋاشىلىق سالاسىندا 4 048,4 ميلليون تەڭ­گەنىڭ ءونىمى ءوندىرىلىپتى. مال باسى دا قاۋىرت ءوسىپ كەلەدى. ءشول جانە شولەيتتى ايماققا ورنالاسقان اۋداندا ەگىنشىلىكتى دامىتۋ ءۇشىن اتقارىلار ءىس-شارا, ارينە, از ەمەس. الايدا سۋ تاپشى­لى­عىن جويۋ ماقساتىندا الداعى ۋا­قىتتا دا اۋقىمدى جۇمىستار ات­قا­رىلاتىنعا ۇقسايدى. بيىلعى جىلى “جول كارتاسىنىڭ” ينۆەس­تي­تسيالىق باعىتتارى بويىنشا جۇ­مابەك كانالىنىڭ – 10; قا­زاق­­باي كانالىنىڭ – 7,5; جيەن­بەت-ۇزىن كانالىنىڭ 13,5 شاقىرى­مىن جوندەۋە قاراجات قا­راس­تى­رىلىپتى. ەگىستىك جەر­لەردى تولىق يگەرۋ ءۇشىن اۋىلدىق اۋماقتاردان تۇتىنۋشىلار كو­وپە­راتيۆتەرىن اشىپ, ۇساق شارۋا قوجالىق­تارى­نىڭ باسىن بىرىكتىرۋ جۇمىستارىن قولعا الۋ دا قۇپ­تارلىق ءىس. “جول كارتاسى” اياسىندا دا كوڭىل تولارلىق ىستەر جۇزەگە اسى­رىلعان. سونىڭ ناتيجەسىندە اۋدان­دا ەڭبەك رىنوگىن تۇراق­تان­دىرۋ, ايماقتىق ەڭبەكپەن قامتۋدى جانە كادرلاردى قايتا دايارلاۋدى قامتاماسىز ەتۋ ماقساتىندا ءپار­مەندى ءىس-شارالار  شەشىمىن تاپقان. الەۋمەتتىك نىساندار مەن ين­فرا­قۇرىلىمدار قالپىنا كەلتىرىلگەن. مىسالى, ءبىلىم سالاسىندا كوپ­تەگەن مەكتەپتەر مەن گيمنازيالار كۇردەلى جوندەۋدەن وتكىزىلگەن. ءما­دەنيەت سالاسىندا ءۇشارال, اقكول, بوستاندىق اۋىلدارىنداعى مادە­نيەت ۇيلەرى, قوجاعاپپار, كوشەك اۋىلدارىنداعى كىتاپحانا عيما­رات­تارى جاڭعىرتىلعان. دەنساۋلىق ساقتاۋ بويىنشا قاسقابۇلاق, ماي­توبە اۋىلدارىندا مەديتسينالىق پۋنكتتەر پايدالانۋعا بەرىلگەن. اۋداننىڭ يندۋستريالىق-ين­نو­ۆاتسيالىق دامۋ ستراتەگياسىن ءجۇ­زەگە اسىرۋ وڭ ناتيجەلەر بەرۋدە. ءبىر جىل ىشىندە اۋدانعا 1 635,2 ميل­ليون تەڭگە ينۆەستيتسيا تار­تىل­عان. تسەمەنت زاۋىتى قايتا قال­پىنا كەلتىرىلىپتى. “Senur-ءOىl” جشس مۇناي وڭدەيتىن شاعىن زاۋى­تتى قايتا جاڭعىرتۋ جۇمىس­تارىن قولعا الىپتى. “سارىتاس-ۋدوبرەنيە” جشس  كەن ورىن­دا­رىن بەرۋ جونىندەگى تەندەردىڭ ناتيجەسىن كۇتىپ وتىر. البەتتە, تولايىم تابىستاردىڭ ءبارى ەلىمىزدىڭ داعدارىستان شىعىپ, ەكونوميكالىق دامۋدىڭ داڭعىل جولىنا تۇسكەندىگىنىڭ كەپىلى بولىپ تابىلادى. مۇنداي جەمىستى ەڭبەكتە اۋداننىڭ بىرلىگى جاراسقان جۇرت­شىلىعىنىڭ قوماقتى ۇلەسى بار. ولاردى بيىل دا اۋقىمدى, ماق­سات­تى ىستەر كۇتىپ تۇر. اۋىز سۋ ماسەلەسىن شەشۋ دە اۋدان باسشىسىنان ۇلكەن جاۋاپ­كەر­شىلىكتى تالاپ ەتەدى. بۇگىنگى كۇن­گە دەيىن اۋدانداعى 25 ەلدى مەكەن­نىڭ 9-ى اۋىز سۋمەن قامتاماسىز ەتىلىپتى. بيىلعى جىلعى “جول كارتاسىنىڭ” ينۆەستيتسيالىق باعىتتارى بويىن­شا بولتىرىك اۋىلىنداعى سۋ جۇيەسىن قايتا جاڭعىرتۋدى جالعاستىرۋعا 163 859 مىڭ تەڭگە ءبولىنىپ وتىر ەكەن. ال كوكتال جانە اقكول اۋىلدارىن اۋىز سۋمەن قامتۋ جۇيەلەرىن 2011 جىلى قارجىلاندىرۋ جوسپار­لانىپ­تى. گاز ماسەلەسى بويىنشا امان­گەلدى گاز كەنىشىنەن تارتىلعان گاز قۇبىرىنا جاقىن ورنالاسقان ەلدى مەكەندەردى گازداندىرۋ ماسەلەسى وب­لىس اكىمىنىڭ اۋدانعا ءىسساپارى كەزىندەگى ءىس-شارا جوسپارىنا ەن­گىزىلگەن. سونداي-اق, جول قۇرى­لى­سى, ەلەكترلەندىرۋ, حالىقتى الەۋ­مەتتىك قورعاۋ, ت.ب. ماسەلەلەر دە قولعا الىنباقشى. سونىمەن بىرگە, بيىل قاراتاۋ قالاسىنداعى ءدىن­مۇ­حامەد قوناەۆ اتىنداعى ورتا مەك­تەپتى كۇردەلى جوندەۋدەن وتكىزۋ ءۇشىن 20 ملن. تەڭگە, اققۇم اۋى­لىن­داعى توقتىقوجا ۇلى اتىنداعى ورتا مەكتەپكە 35 ملن. 454 مىڭ تەڭ­گە, ۇوس-قا قاتىسقاندار مەن ولارعا تەڭەستىرىلگەندەر سىي-سىيا­پاتى ءۇشىن 1 ملن. 320 مىڭ تەڭگە ءبولىنىپ وتىر. اۋدان اكىمىنىڭ ەسەبىنەن كەيىن ءسوز العان اۋداندىق ءماسليحاتتىڭ دەپۋتاتى ءا.ابدىرازاقوۆا اۋدان اكىمىنىڭ ەسەبىنە وڭ باعا بەردى. “شولاقتاۋ” جشس-ءنىڭ ديرەكتورى م. سارسەنوۆ تە اكىم ەسەبىنە قا­نا­عاتتانعاندىعىن بىلدىرە وتىرىپ, ۇساقتاۋ-ۇنتاقتاۋ تسەحىندا تسەمەنت ءوندىرۋدى قولعا العاندارىن, “مو­لو­دەجنىي” شاحتاسىنان قالاعا سۋ جۇرگىزىلگەنىن, سونداي-اق, اۋدانعا كۇل-قوقىس تاسۋعا ارنالعان اۆ­تو­كو­لىك الۋ ءۇشىن 5 ميلليون تەڭگە ءبول­گەندەرىن جانە ارنايى جاس ما­مان­داردى وقىتىپ, ولار ءۇشىن قارجى بولىنگەنىن جەتكىزدى. اۋداندىق ءماس­­ليحاتتىڭ دەپۋتاتى د.تولەپ­بەر­گە­نوۆ وتكەن جىلدىڭ ىشىندە دەپۋ­تات­تاردىڭ كومەگىمەن 19 ءۇيدىڭ شاتى­رى جابىلىپ, سۋ قۇبىرلارى ءجون­دەل­گەندىگىن ايتتى. اۋدان باسشى­سىنىڭ ەسەبىن ول قاناعاتتانارلىق دەپ ەسەپتەدى. البەتتە, ۇسىنىس, تىلەكتەر دە ايتىلدى. مىسالى, وبلىستىق ءماس­ليحاتتىڭ دەپۋتاتى ج. تاۋكەباەۆ “تالاس تازا سۋ” مەكەمەسىنىڭ سترا­تەگيالىق جاعدايىنا توقتالىپ, وسى مەكەمە ءۇشىن ارنايى ءبىر ەكس­كا­ۆاتوردىڭ كەرەكتىگىن ايتسا, زەينەتكەر ءو.بەيسەنوۆا اۋىز سۋ تاپ­شىلىعىن  ءسوز ەتىپ, قالا ءىشى مەن سىرتىنداعى سۋ قۇبىرلارىن اۋىستىرۋعا ءوتىنىش جاسادى. اۋدان­دىق گاز شارۋاشىلىعى مەكەمەسى­نىڭ ديرەكتورى, اۋداندىق ءماسلي­حات­تىڭ دەپۋتاتى ءا.ءجۇمادىلوۆ 1993 جىلدان بەرى قالا تۇرعىندارىن تا­بيعي گازبەن قامتاماسىز ەتىپ كەلە جاتقاندىقتارىن, سونىڭ ناتيجە­سىن­دە بۇگىندە قالانىڭ 80 پايىزى گازداندىرىلعاندىعىن جەتكىزىپ, جارتاس اۋىلى مەن ماقۇلبەك اۋى­لىنا ازىرگە گاز جۇرگىزۋدىڭ ءمۇم­كىن­شىلىگى بولماي وتىرعاندىعىن, ول ءۇشىن قاراجات قاراستىرىلۋى كەرەك­تىگىن ايتتى. سونىمەن بىرگە, قاراتاۋ قالاسىنىڭ تۇرعىنى ە. سپاندياروۆ قازىرگى كەزدە جاستار اراسىندا ەسىرتكى پايدالانۋدىڭ ۇلعايىپ بارا جاتقاندىعىنا الاڭ­داۋشىلىق ءبىلدىرىپ, ونىڭ جولىن كەسۋ جونىندە اۋدان اكىمى مەن ءتيىس­تى ورگاندارعا ءوتىنىش ءبىلدىردى. اق­كول اۋىلىنىڭ تۇرعىنى, زەينەتكەر ءا.قۇيقاباي ۇلى اقكول كولىنىڭ تاعدىرىنا نازار اۋدارۋ كەرەكتىگى جانە قويدىڭ ءجۇنىن دۇرىس باعا­لاپ, قابىلداپ الۋ ماسەلەسى, سون­داي-اق ەگىنشىلىكپەن تۇپكىلىكتى اي­نا­لىسۋ جونىندە ۇسىنىستار ايتتى. اۋدان اكىمى و.جيەنقۇلوۆ جا­رىسسوزدە قويىلعان سۇراقتارعا, ايتىلعان ۇسىنىستارعا ناقتى ءارى تۇسىنىكتى جاۋاپ قايتاردى. اۋدان اكىمىنىڭ ەسەبىن قورىتىندىلاعان وبلىس اكىمىنىڭ ورىنباسارى مەيرامبەك تولەپبەرگەن: – قازىرگى قول جەتكىزگەن تابىس­تا­رىمىزدىڭ ءبارى – ەلباسى نۇر­سۇل­تان نازارباەۆتىڭ سارابدال سايا­ساتىنىڭ جەمىسى. ءبىز الداعى ۋا­قىت­تا دا ويعا العان بارلىق شا­رۋا­نى بىرلەسىپ جۇزەگە اسىراتىن بو­لايىق. يگىلىك اتاۋلىنىڭ ءبارى ەلدە,  – دەدى. جينالعان جۇرتشىلىق اۋدان اكىمى وڭداسىن ەلۋباي ۇلىنىڭ ەسەبىنە وڭ باعا بەرىپ, الداعى مىندەتتەردىڭ جۇزەگە اساتىندىعىنا سەنىم ءبىلدىردى. كوسەمالى ساتتىباي ۇلى, جامبىل وبلىسى. جۇبان ەلىندە جاقسىلىقتار ەسەلەنەدى اقجايىق اۋدانىنىڭ اكىمى اباي يمانعاليەۆتىڭ حالىققا قورىتىندى ەسەبى ەلباسىمىزدىڭ قازاقستاندىقتارعا جاڭا جولداۋىن جاريالاعان كۇنمەن تۇستاس كەلدى. بۇل وسى ۇلكەن ديدارلاسۋعا ايرىقشا رەڭ ۇستەدى. قورىتىندى كەزدەسۋگە كوتەرىڭكى كوڭىل-قوشپەن جينالعان كوپشىلىك الدىنداعى ەسەبىن اكىم “بۇگىن ەرەكشە كۇن. مەملەكەتىمىزدىڭ باسشىسى ءوز حالقىنا ءجونى بولەك, جوسىعى ەرەك جولداۋىن ارنادى. وسى ايتۋلى قۇجاتتى ناسيحاتتاپ, وندا مەجەلەنگەن ماقسات-مۇراتتى ورىنداۋعا جۇمىلۋ ءبارىمىزدىڭ مىندەتىمىز”, – دەگەن سوزدەرمەن باستادى. 18 اۋىلدىق وكرۋگى بار اق­جاي­ىق­تا الەۋمەتتىڭ ءوتىنىش, ۇسىنىس­تارىنا ساي, تالاي تىرلىك تيا­ناق­تالىپ كەلەدى. ەسىمى ەلىنىڭ جۇرە­گىندەگى ايگىلى ءسوز زەرگەرى جۇبان تۋعان توپىراققا مادەني-رۋحاني تۇلەۋ ءتان بولۋعا ءتيىستى دەسەك, بۇل ورايداعى شوقتىعى بيىك شارۋا ءبىر شوعىر. بولاشاقتىڭ بەسىگى – مەك­تەپ­تەن دە جان جادىراتار جاقسى­لىق­تار لەبى ەسەدى. وتكەن جىلى 4 ورتا مەكتەپ ۇيىنە كۇردەلى جوندەۋ ءجۇر­گىزىلىپ, ەكى اۋىلدا  – جايىقتىڭ وڭ جاعالاۋىنداعى مەرگەن مەن سول جاعالاۋىنداعى بازارتوبەدە حالىق ساقتاپ قالعان قوس قاباتتى عي­ما­رات­تار جاساندىرىلىپ, ينتەرنات­تار اشىلدى. اۋداندا, ءسويتىپ, وقۋشىلار ينتەرناتىنىڭ سانى ءتورت­كە جەتىپ, ۇل-قىزدى وسىنداي مەكەمەلەرمەن قامتۋ جونىندەگى بۇرىنعى تۇيىندەر شەشىمىن تابا باستادى. اۋدان بيۋدجەتىنەن باس­تاۋىش­تار وقۋشىلارى مەن از قام­تىلعان وتباسىلار بالالارىن مەكتەپتەگى ساباق كەزىندە ىستىق اۋقاتپەن قامتۋعا 40,3 ملن.تەڭگە, مەكتەپ اسحانالارىنا جابدىقتار الۋعا 8,2 ملن.تەڭگە ءبولىندى. ەلباسىنىڭ جاڭا جولداۋىندا بەلگىلەنگەن “بالاپان” باعدارلا­ما­سى حالىقتىڭ الەۋمەتتىك جاعدايى­نا, جاس ۇرپاقتىڭ تاربيەسى مەن ءبى­لىمىنە بايلانىستى تالاي ماسەلەنى ورنىنا قويارى ءسوزسىز. قورىتىندى ەسەپتە اباي ءساتي ۇلى بۇل تاقى­رىپ­تى دا جان-جاقتى قاۋزادى. بىل­تىر اۋداندا 2 بالاباقشا, 19 شاعىن ورتالىق اشىلدى. تاياۋدا ۇلكەن تايپاق اۋىلىندا ءسابي­لەر­دىڭ ەكىنشى ۇيلەرىنە ارنالعان قوس قاباتتى عيماراتتىڭ جوندەۋى اياق­تال­عالى وتىر. سوندا اۋدان بوي­ىن­شا بالالاردىڭ مەكتەپكە دەيىنگى مەكەمەلەرمەن قامتىلۋى 80,6 پايىزدى قۇرايدى. اكىم ەرتەڭگى ءىزباسارلاردىڭ جارقىن ومىرىنە قا­تىستى ىستەرمەن قاتار, ولقىلىق­تاردىڭ ورنىن تولتىرۋ جايىن, وسىعان بايلانىستى ءبىلىم بولىمىنە جۇكتەلگەن تاپسىرمالاردى ناقتى­لا­دى. سالاعا مامانداردى ىرىكتەۋدە كەمشىلىكتەر ۇشىراسادى, دەمەك, كونكۋرستاردى وتكىزۋدىڭ جاي-جاپ­سارىنا سالماقتى تالداۋ جۇرگىزۋ قاجەت. كەيبىر شاعىن ورتالىقتار جۇمىسىندا ساپاسىزدىق بار. بالا تاعدىرى قالىپتاساتىن جەردە ەش­بىر ۇساق-تۇيەككە ورىن جوق. ويتكەنى, ەلدىڭ ەرتەڭى مەكتەپتەن باستالادى. تۋريزم سالاسىن دامىتۋ دا كۇن تارتىبىندە تۇر. “ەۋرازيا عىلىم­دا­رى وداعى” قوعامدىق قورى ارقىلى كولوۆەرتنوە اۋىلىنداعى شىركەۋ جوندەۋدەن ءوتتى, مۇندا اسپاناستى مۇراجاي جاساقتالادى. باسقا دا تاريحي ورىنداردىڭ ولكەتانۋداعى مۇمكىندىكتەرىن تولىق پايدالانىپ, تۋريزم ستانسالارىن اشۋ ويلاس­تىرىلۋدا. بىلتىر دەنساۋلىق ساقتاۋ سا­لا­سىندا جۇزەگە اسقان وڭ وزگە­رىستەرگە دە حالىق ريزاشىلىعىن ارناپ وتىر. ەكى اۋىلدا ءدارىحانا اشىلىپ, 3 دارىگەرلىك امبۋلاتوريا كۇردەلى جوندەۋدەن وتكىزىلسە, 9 مەديتسينا مەكەمەسى عيماراتتارى گازبەن جىلىتىلۋعا كوشىرىلدى. ياعني, تۇرعىنداردىڭ ۇلكەن ءبىر وتىنىشتەرى ورىندالدى. سوڭعى ءۇش جىلدا 17 دارىگەرگە تۇرعىن ءۇي بەرىلدى. دارىگەرلەردىڭ جەتىسپەۋى الاڭداتاتىن بولسا, زور ءۇمىت مەدي­تسينالىق وقۋ ورىندارىندا ءبىلىم الىپ جاتقان اۋدان تۇلەكتەرىنە ارتىلادى. سوڭعى ءۇش جىلدا وسىنداي ستۋدەنتتەر سانى 40-تان 138-گە جەتتى. بۇل قۋانىشتى-اق. ەندىگى مىندەت, – ولارمەن تىعىز بايلانىس جاساپ, اۋىلعا تارتۋ. جالپى, 2009 جىلعى ەسەپتى كەزدەسۋلەردە تۇرعىنداردان اۋىل-ەلدىڭ كوكەيكەستى ماسەلەلەرىنە بايلانىستى 262 ۇسىنىس-ءوتىنىش ءتۇسىپ, بۇگىنگە مۇنىڭ 70 پايىزدان استامى ورىندالسا, بيىلعى ۇسى­نىس سانى 30 پايىزعا ازايعان. بۇل, ارينە, تۇرمىس-تىرلىكتىڭ بۇرىنعى كەزەڭگە قاراعاندا الدەقايدا وڭعا ويىسقانىن كورسەتەدى. سوندىقتان جۇرتتان قازىر تۇتىنۋشىلىق-سۇ­رامساقتىق پسيحولوگيا شەگىنىپ, ات­قارىلعان الىمدى ىستەرگە ريزاشىلىق ءجيى ەستىلەدى. – بۇگىنگى ەسەپ ەلباسىمىزدىڭ ءداستۇرلى جولداۋىمەن قاتار كەل­گەنىن جاقسى ىرىمعا جوريمىز,– دەدى “نۇرتىلەك” شارۋا قوجالى­عى­نىڭ جەتەكشىسى ناسىپقالي قايىر­قوموۆ. – مەملەكەتىمىزدىڭ الەمدىك قارجى داعدارىسىنان داع­دارا قوي­ما­عانىنا كوزىمىز ايقىن جەتىپ وتىر. بۇل – اۋىزبىرلىكتىڭ, ۇيى­سۋ­دىڭ ارقاسى. “بىرىككەن – بىتىرەدى” دەگەن, وسىنىڭ مىسالى جەتىپ جاتىر. كۇرە جولدان شالعايلاۋ جاتقان ءبىزدىڭ العاباس اۋىلىنا كوگىلدىر وتىننىڭ, تازا سۋدىڭ, ءتىپتى ەكى بولىمشەمىزگە اۋىز سۋ قۇ­بى­رىنىڭ تارتىلۋىنىڭ ءوزى نەگە تۇرادى. ەندى باسقا شاعىن ەلدى مە­كەندەر جۇرتى دا گاز جەتكىزىلۋىن سۇ­رايدى. ۇلكەن اۋدانىمىزدا نە­بىر ۇلكەن قام-قارەكەت اتقارىلۋدا, كەلەر ۋاقىتتا دا كەسەك ىستەر ورىندالارى ءشۇباسىز. قورىتىندى ەسەپكە قاتىسقان وبلىس اكىمىنىڭ ورىنباسارى سەرىك سۇلەيمەننەن دە حالايىق شالىم­دى شارۋالارعا قانىعىپ, “بارە­كەل­دى!” دەستى. اسىل تۇقىمدى ت ۇلىگى, مال بورداقىلاۋ الاڭدارى, قىستاق-كۇتىرلەرى كوبەيە تۇسكەن اقجايىق اۋدانى ءۇشىن جايىلما سۋلاندى­رى­لاتىن القاپتاردىڭ ورنى ايرىق­شا. وسى القاپتاردىڭ “جىلىگىنە قان جۇگىرتۋ” ءۇشىن باستالعان شا­را­لار بار. وبلىس اكىمىنىڭ تاپ­سىرماسى بويىنشا 49-شى كول­تا­باندى سۋلاندىرۋ ماقساتىندا 16,6 ملن. تەڭگەگە جوبالاۋ-سمەتالىق قۇ­جاتتاما جاساقتالدى. الداعى كە­زەڭدە تايپاق جانە بۋدارين كا­نالدارى تازارتىلادى. وسىنىڭ ءبارى شارۋا قاۋىمنىڭ مۇقتاجىن وتەمەك. سونداي-اق جايىقتىڭ سول جاعالاۋى ەلدى مەكەندەرى “قارا­شى­عاناق-ورال” گاز قۇبىرىنىڭ ال­عاشقى جەلىسىنىڭ قۇرىلىسى ءساتتى مارە­لەنۋى­مەن زور ۇمىتتەرىن ۇشتاپ وتىر. اقجايىقتىقتاردىڭ كوپتەن بەرگى ءبىر تىلەگى “قازاقستان-ورال” تەلەارناسىنا قاتىستى. ياعني, اي­ماقتىڭ ءبىراز جەردەگىدەي, اۋدان تۇرعىندارى ونىڭ 14 ساعات باع­دار­لاماسىنىڭ تەك ءبىر-اق ساعاتىن كورىپ ءجۇر. جيىنعا قاتىسۋ­شى­لار­عا سەرىك كەنجەبەك ۇلى جاعىمدى جاڭالىقتى جەتكىزدى. حابار تاراتۋ قوندىرعىلارىن الۋ ءۇشىن قارجى ءبولىندى, بۇل اتالعان ارنامەن وب­لىستىڭ 75 پايىزىن قامتۋعا ءمۇم­كىندىك بەرەدى. دەمەك, جاماعاتتىڭ جانازىعىنا بايلانىستى تاعى ءبىر ءتۇيىن شەشىلمەك. الدا – ۇلى جەڭىستىڭ 65 جىل­دىعى. وسى ورايدا دا ەلباسى ءوزى­نىڭ تاپسىرماسىن ناقتىلادى. بۇ­عان قاتىستى اقجايىق اكىمىنىڭ دە تولىمدى جوسپار, شارالارى بار. اۋدان ءۇشىن تاعى ءبىر ەرەكشە داتا – جۇبان اقىننىڭ كۇزدەگى 90 جىلدىعى. “بۇل مەرەيتويلار ەل­دىگىمىزگە سىن. ياعني, جاس تولقىندى اعا ۇرپاقتىڭ ەرلىگى مەن ەڭبەگى رۋحىندا تاربيەلەۋدە, ورتاق شاڭى­راعىمىز – قازاقستاننىڭ يگىلىگىن ەسەلەۋدە, رۋحاني بايۋدا بىرلەسىپ سەرپىلىس تانىتۋىمىز كەرەك”,– دەدى ءوزىنىڭ ءتۇيىندى سوزىندە اباي يمانعاليەۆ. تەمىر قۇسايىن, باتىس قازاقستان وبلىسى.