نۇرسۇلتان نازارباەۆ قازاقستاننىڭ تەڭىزگە شىعاتىن جولدارى جوق ەكەنىن اتاپ ءوتتى. 1991 جىلى كەڭەس وداعى ىدىراعاننان كەيىنگى كەزەڭدە جولداردىڭ بارلىعى رەسەيگە باعىتتالعان ەدى. ء«بىز ەڭ الدىمەن قىتايعا قاراي تەمىرجول سالىپ, ءوز ساۋدامىزدى كەڭەيتتىك. ءبىز ينفراقۇرىلىمدى قولعا الۋعا ءتيىس ەدىك», - دەدى ول.
ونىڭ سوزىنە قاراعاندا, باعدارلاما اياسىندا 2 بەسجىلدىقتا 7,5 مىڭ شاقىرىم جول سالىنعان. ء«بىرىنشى بەسجىلدىقتىڭ وزىندە-اق قازاقستانداعى بارلىق اۋەجايدى رەتكە كەلتىردىك, كاسپي تەڭىزىنىڭ جاعاسىنا ەكى زاماناۋي تەڭىز پورتىن سالدىق. 2015 جىلى قحر توراعاسى سي تسزينپين العاش رەت ءبىزدىڭ ۋنيۆەرسيتەتىمىزدە ء«بىر بەلدەۋ - ءبىر جول» جوسپارىن جاريالادى. جوسپار مەن ءبىزدىڭ باعدارلاما ءبىر-بىرىمەن كەرەمەت سايكەس كەلدى. ارينە, ءبىز وسى جولدى قولدادىق», - دەدى پرەزيدەنت. مەملەكەت باسشىسى قازاقستانعا قحر-دان ەكى تەمىرجول كەلەتىنىن تىلگە تيەك ەتتى. قىتاي شەكاراسىنان ەۋروپاعا قازاقستان ارقىلى وتەتىن 3 مىڭ شاقىرىم ءبىرىنشى ساناتتى اۆتوتراسسا سالىندى.
ء«بىز ۇلان-عايىر دالا ءتوسىن قاق جارىپ وتەتىن تەمىرجول ماگيسترالىن سالدىق, قىتايدان كاسپي تەڭىزىنە دەيىنگى 1 500 شاقىرىمعا سوزىلعان جول نەبارى ەكى جىلدا سالىندى. تۇركىمەنستان - يران ارقىلى وتەتىن پارسى شىعاناعىنىڭ ءباندار-ابباس پورتىنا باراتىن, ودان ۇندىستانعا شىعا الاتىن تەمىرجولدى سالدىق. ءبىز, مىنە, وسىنداي شارالاردى قاراستىردىق. تاۋەلسىزدىكتى العان جىلدارى قىتايمەن اراداعى ساۋدا نولگە تەڭ بولدى. قازىر ول 15 ملرد دوللارعا جەتتى. بۇرىن قىتايدان شىققان كونتەينەرلەر ەشقاشان ەۋروپاعا جەتكىزىلگەن ەمەس, تەك وتكەن جىلدىڭ وزىندە كونتەينەرلەرمەن قىتايدىڭ شىعىس پروۆينتسيالارىنان ەۋروپاعا 4 ملن توننا جۇك تاسىمالداندى», - دەدى پرەزيدەنت.
