جايىق وزەنى ارقىلى وتەتىن جاڭا كوپىر 180 توننا جۇك كوتەرەدى, ۇزىندىعى - 860 مەتر, ەنى - 13 مەتر. كىرمە جولدىڭ جالپى ۇزىندىعى - 8,5 شاقىرىم. كوپىر بىرەگەي قۇرىلىم بويىنشا - تولىقتاي بەتوننان, تىرەكسىز جاسالعان.
قازىر نىسانعا اۆتوكولىك جولى سالىنعان. قۇرىلىس الاڭىندا جۇمىس ءتيىمدى بولۋ ءۇشىن ءموبيلدى بەتون زاۋىتى ورناتىلدى. جۇرەتىن جول ەكى جولاقتان تۇرادى, كوپىر بويىندا جاياۋ جۇرگىنشىلەر جولى قاراستىرىلعان.
ايماق باسشىسى جاڭا كوپىر قۇرىلىسى وڭىردەگى شاعىن جəنە ورتا بيزنەستىڭ دامۋىنا سەرپىن بەرىپ, اۆتوكولىكتەرگە جاڭا كولىك ءدəلىزىن اشاتىنىن اتاپ ايتتى. كوپىر قۇرىلىسى 2018 جىلى اياقتالادى دەپ جوسپارلانىپ وتىر.
نۇرلان نوعاەۆ سونىمەن بىرگە ەسكى سارايشىق قالاسىنىڭ اۋماعىندا ءجۇرىپ جاتقان جاعانى بەكىتۋ جۇمىستارىن دا بارىپ كوردى.
قورعانىس بوگەتى قۇرىلىسى 2016 جىلى باستالدى, 2018 جىلى اياقتالادى. بوگەت بيىكتىگى 3 مەتر, ۇزىندىعى - 1500 مەتر. بۇل بوگەت كونە قالا ورنىن سۋ تاسقىنىنان قورعايدى. ەكى نىساندى ارالاعان وبلىس əكىمى نۇرلان نوعاەۆ جاۋاپتى تۇلعالارعا ناقتى تاپسىرمالار بەردى.
باقىتگۇل باباش,
«ەگەمەن قازاقستان»
