ەرلان قوجاعاپانوۆ 1968 جىلى الماتى وبلىسىندا دۇنيەگە كەلگەن.
1992 جىلى قاراعاندى مەملەكەتتىك ۋنيۆەرسيتەتىن, 1999 جىلى — الماتى مەملەكەتتىك ۋنيۆەرسيتەتىن ءتامامدادى. 2006 جىلى رف مەملەكەتتىك كەدەن كوميتەتىنىڭ رەسەي كەدەن اكادەمياسىن ەكونوميست, قارجىگەر, زاڭگەر ماماندىعى بويىنشا بىتىرگەن.
ەڭبەك جولىن 1987 جىلى باستاعان. 1990–1994 جىلدارى كاسىپكەرلىك قىزمەتپەن اينالىسقان. 1994–2007 جىلدارى مەملەكەتتىك ورگاندار مەن كاسىپورىنداردا جۇمىس ىستەگەن.
2007–2013 جىلدارى استانا قالاسى اكىمىنىڭ ورىنباسارى قىزمەتىن اتقاردى. 2013–2016 جىلدارى قر سپورت جانە دەنە شىنىقتىرۋ ىستەرى اگەنتتىگىنىڭ توراعاسى, قر فۋتبول فەدەراتسياسىنىڭ پرەزيدەنتى بولىپ ىستەگەن.
2016 جىلدىڭ جەلتوقسانىنان باستاپ قازىرگى ۋاقىتقا دەيىن قر پرەمەر-ءمينيسترىنىڭ كەڭەسشىسى قىزمەتىن اتقارعان.
2 دارەجەلى «ايبىن» وردەنىمەن, «قۇرمەت» وردەنىمەن ماراپاتتالعان.
