دəل بۇگىن شۆەد فۋتبولشىلارىنا قانداي ماقتاۋ ايتساڭ دا جاراسادى. تاباندىلىق تانىتتى. ازۋلى قارسىلاستارىنان ابدىراپ قالعان جوق. نامىستى ەكەن. جىگەرلەرىن جانىپ تۇرعانىن كوزدەرىنەن كورۋگە بولادى. جانكەشتىلىكتەرىنىڭ ارقاسىندا جەڭىسكە جەتتى. يتاليا قۇراماسى شە؟
قوس ويىننان كەيىنگى قورىتىندىمىز: بۇگىنگى يتاليا قۇراماسى قاۋقارسىز. اقىلسىز. ايلاسىز. انتيفۋتبول. پيرلو سياقتى اقىلمەن وينايتىن ارلاندارى جوق. توتتي شە؟ تەڭبىل دوپتى ءتۇزۋ تەبەتىن تارلان ەدى, شىركىن. بالالىعى باسىم بولسا دا بولوتتەلي ءبىر ويىننىڭ تاعدىرىن ءبىر ءوزى شەشەتىن. مىنەزى بولعانىمەن, مانولودان نە پايدا؟ يكەمسىز يمموبيليە دە تۇك بىتىرە المادى. بونۋچچي بارىن سالمادى.
باس باپكەردى كىنəلايمىز با؟ توپ كلۋبتاردى تىزگىندەپ كورمەگەن, تəجىربيەسىز دجان پەرو ۆەنتۋروعا سەنىم بىلدىرگەن يتاليا فۋتبول باسشىلارىن ايىپتايمىز با؟
بىزدىڭشە, مəسەلە تەرەڭدە جاتىر. Cوڭعى جىلدارى "سكۋادرا ادزۋررا" فۋتبولىن جايلاعان جەمقورلىقتا سياقتى. ىشكى بىرىنشىلىكتەگى بəسەكەسىزدىكتە قوسىڭىز. بۇگىنگى يتاليا فۋتبولىنداعى تەمىردەي ءتəرتىپتتىڭ جوقتىعىنا كەلىپ تىرەلەتىندەي مە؟
بىزگە يتاليا قۇراماسىنىڭ جىگەرسىزدىگىن ەمەس, اتاقتى بۋففوننىڭ كوز جاسىن كورۋ اۋىر ءتيدى. وبال بولدى. يتاليانىڭ بويتۇمارىنا اينالعان قاقپاشىنىڭ ەڭىرەپ جىلاعانى جۇرەگىمىزدى ەلجىرەتتى. دجيدجي دəل وسىلاي ۇلتتىق قۇرامامەن قوشتاسۋعا لايىق ەمەس ەدى. اتى اڭىزعا اينالعان قاقپاشى كارەراسىنداعى التىنشى الەم بىرىنشىلىگىنە قاتىسىپ, جاھاندىق رەكورد ورناتىپ, ارمانسىز كەتۋگە əبدەن لايىق بولاتىن. بۋففونمەن بىرگە يتاليا فۋتبولىنىڭ تۇتاس ءبىر ءداۋىرى كەتىپ بارادى. قوش بول, دجيدجي!
ەركەبۇلان جومارت
