ءىس-شارا 7 جىل ىشىندە حالىقارالىق جانە وتاندىق جەتكىزۋشىلەرگە ارنالعان جالپى رەسپۋبليكالىق ديالوگ الاڭىنا اينالىپ ۇلگەردى. وتكەن جىلعى فورۋمدار وتاندىق وندىرىسپەن بايلانىستى ماسەلەلەردى جەتە ءتۇسىنىپ, دامىتۋ ءۇشىن جاعداي جاسادى. قالىپتاسقان داستۇرگە ساي ءىس-شارا اياسىندا جەرگىلىكتى ءوندىرىستىڭ جەتىستىكتەرى مەن مۇمكىندىكتەرىن اشىپ كورسەتۋگە ارنالعان قازاقستاندىق ءونىمدى شىعاراتىن كاسىپورىندار مەن جەتكىزۋشىلەردىڭ كورمەسى وتەدى.
«قازاقستاندىق ءونىم جاسايمىز» فورۋمىنىڭ الاڭىندا تاۋ-كەن مەتاللۋرگيا سالاسىنداعى 100-دەن اسا كومپانيا باس قوسادى دەپ جوسپارلانعان. فورۋم يمپورت الماستىرۋمەن بايلانىستى باستى قاجەتتىلىكتەردى بەلگىلەپ, وسى ارقىلى شاعىن جانە ورتا بيزنەستىڭ ارى قارايعى قىزمەت اياسىن انىقتايتىندىقتان, ءىس-شارانى وتكىزۋ قازاقستان رەسپۋبليكاسىنىڭ ەكونوميكاسىندا اسا ماڭىزدى ءرول وينايدى.
ءىس-شارا قر ينۆەستيتسيالار جانە دامۋ مينيسترلىگىنىڭ, Kazakhmys Holding» جشس, Eurasian Resources Group, «KazZinc» جشس, KAZ Minerals توبى جانە «قازاقالتىن» تكمك» اق-نىڭ قولداۋىمەن وتكىزىلۋدە.
قازاقستان رەسپۋبليكاسىنىڭ ەڭ ءىرى تاۋ-كەن مەتاللۋرگيالىق كومپانيالارىنىڭ جەرگىلىكتى مازمۇن ۇلەسى 2017 جىلدىڭ 9 ايى ىشىندە 64,02 پايىزدى قۇرادى. اقشالاي ساناعاندا قازاقستاندىق جەتكىزۋشىلەردەن ساتىپ الىنعان تاۋارلار, جۇمىستار مەن قىزمەتتەردىڭ قۇنى 570 ملرد تەڭگەدەن استى. جىل سوڭىنا قاراي كومپانيالاردىڭ («Kazakhmys Holding» جشس, Eurasian Resources Group, «KazZinc» جشس, KAZ Minerals توبى جانە «قازاقالتىن» تكمك» اق) بولجانعان جيىنتىق كورسەتكىشى 66,98% پايىزدى نەمەسە 951,76 ملرد تەڭگە قۇراماق.
قازاقستاندىق مازمۇندى دامىتۋ ءىسى قازاقستان رەسپۋبليكاسى ءۇشىن ستراتەگيالىق جانە الەۋمەتتىك ۇلكەن ماڭىزعا يە جانە دە ول ەلباسى ن. نازارباەۆتىڭ قازاقستان حالقىنا جولداۋىنا سايكەس جۇزەگە اسىرىلۋدا.
