ءسابينا ازىمباەۆا بايقاۋ شارتىنا وراي كەلەر جىلى 18 جاسقا تولعاندا عانا بايقاۋعا قاتىسا الادى. جاس شاماسىنا قويىلعان تالاپتارعا بايلانىستى ارۋلاردىڭ ورىندارى اۋىستىرىلدى.
باستاپقىدا «الەم ارۋى» دوداسى 2018 جىلدىڭ قاڭتارىندا فيليپپيندە وتكىزىلەدى دەپ جوسپارلانعان ەدى. سوڭعى ساتتەردە جارىس بيىلعى 26 قاراشادا لاس-ۆەگاستا وتكىزىلەدى دەگەن شەشىم قابىلداندى.
سول سياقتى «قازاقستان ارۋى-2016» اتانعان قىزىلوردالىق گۇلبانۋ ءازىمحانوۆا دا قازاقستان اتىنان قىتايدىڭ سانيا قالاسىندا وتكەن الەمدىك سۇلۋلىق بايقاۋىندا جۇرگەنىن حابارلاعان بولاتىنبىز.
ال كاميلا قاتىساتىن «الەم ارۋى» (MissUniverse) – جىل سايىن وتكىزىلەتىن سۇلۋلىق جارىسى. بۇل الەمدەگى ەڭ بەدەلدى سۇلۋلىق بايقاۋلارىنىڭ ءبىرى. سونىمەن بايقاۋدا باعى تاسىپ, سۇلۋلىق ءتاجىن كيگەن جەڭىمپاز قىزبەن جىلدىق كەلىسىمشارت جاسالادى. ول ارۋ قايىرىمدىلىق جانە جارنامالىق ماقساتتا بۇكىل الەمدى ارالاپ شىعادى. وتكەن جىلى «الەم ارۋى-2016» اتاعىن فرانتسيالىق يريس ميتتەنەر جەڭىپ العانى ايان.
ال كاميلا ءاسىلوۆا رەسپۋبليكالىق ەسترادا-تسيرك كوللەدجىن حورەوگراف ماماندىعى بويىنشا تامامداعان. ءوزىنىڭ بي ستۋدياسىن اشۋدى ارماندايتىن ارۋ قازاقستان اتىنان وسىنداي اۋقىمدى بايقاۋعا قاتىسۋ باقىتىنا يە بولعانىنا, ارينە قۋانىشتى.
– بۇل مەنىڭ بالا كۇنگى ارمانىم بولاتىن. اتا-اناما الەمدىك بايقاۋعا باراتىنىمدى ايتقانىمدا, ولار دا قۋانىپ, مەنى ماقتان تۇتاتىندارىن ءبىلدىردى. انام كىشكەنتاي كەزىمدە «ارمان-تىلەكتەر كارتاسىن» سالعانىمدى, سول جەردەگى ارمانىمنىڭ ءبىرى سۇلۋلىق بايقاۋىمەن بايلانىستى بولعانىن ەسىمە ءتۇسىردى. ارماندار ورىندالادى, – دەيدى كورىكتى كاميلا.
قازىر بويجەتكەن ۇلكەن سىناقتارعا تولى ساپارعا دايىندالىپ جاتىر. كاميلاعا «قازاقستان ارۋى-2007» بايقاۋىنىڭ جەڭىمپازى الفينا ناسىروۆا كومەكتەسىپ ءجۇر. الفينانىڭ حالىقارالىق بايقاۋلارعا قاتىسۋدا ايتارلىقتاي تاجىريبەسى بار. ول «الەم ارۋى-2008» بايقاۋىندا توپ جارعان ۇزدىك 15 ارۋدىڭ قاتارىنا ەنگەنىن ۇمىتپاعاندار تابىلار.
«الفينا ماعان بارىنشا كومەكتەسىپ جاتىر. كەڭەسىن ايامايدى, ءوزىمدى قالاي ۇستاۋىم كەرەكتىگىن ۇيرەتەدى. كۇندە ساباق الامىن, كيىم ولشەيمىز, ۇساق-تۇيەكتەرگە دەيىن تاڭدايمىز, تالقىلايمىز. مەن وعان وتە ريزامىن», دەدى تىلەۋلەستەرىنە كاميلا.
ايناش ەسالي,
«ەگەمەن قازاقستان»
الماتى
