حح عاسىر باسىندا «الاشىم» دەگەن ۇلت زيالىلارى قولدانعان, كەيىن سولاقاي ساياساتتىڭ قۇربانىنا اينالعان لاتىن گرافيكاسى جاڭا داۋىردە جاڭا نۇسقادا قايتا قولدانىسقا ەنەتىن بولدى. بۇل ەلباسىنىڭ ۇزاق جىلدار جۇرگىزگەن سارابدال ساياساتىنىڭ ايتۋلى تۇسى ەكەنىن قوعام تۇگەلدەي ءتۇسىنىپ, ءبىراۋىزدان قولداپ وتىر. قازىر قالا مەن دالادا تۇراتىن حالىق تۇگەلدەي ساياسي تۇرعىدا وتە ساۋاتتى. مۇنىڭ ءبىر ايعاعى لاتىن گرافيكاسىنىڭ نۇسقاسىن بەكىتۋدەگى قىزۋ, جان-جاقتى تالقىلاۋلاردىڭ بولۋىنان ايقىن كورىنەدى.
وتكەن جىلدارمەن سالىستىرار بولساق, سوڭعى كەزەڭدە قوعامدا لاتىن گرافيكاسىن قولدانۋ قاجەتتىگى جىلى قابىلدانا باستاعاندىعىن كورۋگە بولادى. ونىڭ مەملەكەتتىك ءتىلدى مەڭگەرۋدە عانا ەمەس, سونىمەن قاتار تسيفرلىق تەحنولوگيانى قولدانۋ ارقىلى قۇرىلاتىن وركەندەتۋدە دە ءتيىمدى بولاتىنى انىق.
لاتىن گرافيكاسىن كەڭىنەن قولدانىسقا ەنگىزۋ وڭاي ءارى جەڭىل دەسەك, قاتتى قاتەلەسكەن بولار ەدىك. ويتكەنى جاڭا گرافيكانى ۇيرەتەتىن ءتيىستى جۇيە ەندى قالىپتاسادى. ەڭ باستىسى, بىزگە ەلباسى جاڭا نۇسقانى بەكىتىپ بەردى. بۇل نۇسقادا 32 ءارىپ بار. قازاقتىڭ ءتول دىبىستارى اپوس-
تروف ارقىلى بەلگىلەنگەن. جاڭا نۇسقا حالىق اراسىندا قولداۋ تاۋىپ, ەڭ قيىن اسۋدى اتتاپ وتتىك دەسە دە بولادى. ەلباسى تاراپىنان الدىمىزعا قويىلعان مىندەتتەردى ورىنداي الساق, وندا ءبىزدىڭ تاۋەلسىز ەلىمىز ءۇشىن الىنبايتىن اسۋ, باعىندىرىلمايتىن بەلەس جوق دەپ ايتۋعا بولادى. قازاقستاننىڭ لاتىن گرافيكاسىن قابىلداۋى – بۇل ۇلكەن جەتىستىكتەردىڭ كىلتى. ول – ءبىزدى تەك بيىككە جەتەلەيتىن جول. ول – قازاقستاننىڭ, قازاق ءتىلىنىڭ, قازاق رۋحىنىڭ ماڭگىلىك ەلىمەن بىرگە جاساۋىنىڭ باستى كەپىلى بولماق.
مەرۋەرت كوپباەۆا,
م.ح.دۋلاتي اتىنداعى تارمۋ پروفەسسورى, فيلولوگيا عىلىمدارىنىڭ دوكتورى
