«قازاقستانداعى 100 جاڭا ەسىم» جوباسىنىڭ العاشقى كەزەڭى اياقتالدى. El.kz پورتالىندا جالپىحالىقتىق ونلاين-داۋىس بەرۋ ارقىلى جوبانىڭ ىرىكتەۋ كەزەڭىنەن وتكەن 102 جەڭىمپاز انىقتالدى. وسى ورايدا, ادىلدىك ءۇشىن داۋىس سانى بويىنشا العاشقى جۇزدىكتەن ءسال عانا تومەن تۇرعان ەكى ۇمىتكەردى دە تىزىمگە قوسۋدى ءجون سانادىق», - دەپ مالىمدەدى داۋرەن اباەۆ.
ونىڭ ايتۋىنشا, جوبادا 340 مىڭنان استام قازاقستاندىق وزدەرى تاڭداعان تۇلعالارعا 1 ميلليون 376 مىڭ داۋىس بەرگەن. «وسىنىڭ ءوزى جوبانىڭ قوعام ءۇشىن ماڭىزدى بولعانىن كورسەتەدى. ەندىگى جەردە ۇلكەن جۇمىستار باستالماق. قازىرگى ۋاقىتتا اقپارات جانە كوممۋنيكاتسيالار مينيسترلىگى قازاقستان حالقى اسسامبلەياسىمەن بىرلەسىپ, ءىس-شارالار جوسپارىن ازىرلەۋدە», - دەيدى مينيستر. داۋرەن اباەۆ جوبا جەڭىمپازدارىنىڭ ەسىمى ەل تابىس تاريحىنىڭ جاڭا پاراقتارىنا اينالادى دەگەن سەنىم ءبىلدىدى.
«وسى ورايدا جوباعا اتسالىسقان بارشا جۇرتشىلىققا - ەلىمىزدىڭ جاڭا ەسىمدەرى تۋرالى جان-جاقتى اقپارات بەرگەن جۋرناليستەرگە, بىزگە قولداۋ كورسەتكەن ۆولونتەرلەر مەن قوعامدىق ۇيىم مۇشەلەرىنە العىس بىلدىرەمىن. وتىنىمدەردى جيناۋ بارىسىندا ەلىمىزدە ماقتان ەتۋگە دە, وسكەلەڭ ۇرپاققا ۇلگى ەتۋگە دە لايىقتى مىڭداعان بىرەگەي جانداردىڭ بار ەكەنىنە كۋا بولدىق. وسىناۋ جاڭا ەسىمدەر ارقىلى تۇتاس تاۋەلسىز ەلىمىزدىڭ تابىس تاريحىنىڭ جاڭا پاراقتارى اشىلماق», - دەپ جازدى داۋرەن اباەۆ.
