ەلباسى ن.ءا. نازارباەۆتىڭ بيىل بەرگەن تاپسىرماسىنا سايكەس جاڭا جىلدان باستاپ زەينەتاقى كولەمىنىڭ مولشەرى 2016 جىلمەن سالىستىرعاندا 20 پايىزعا كوبەيتىلەدى. وسىلايشا مەملەكەت الەۋمەتتىك مىندەتتەمەلەر بويىنشا ءتيىستى شارالاردى جۇزەگە اسىرۋدا.
«1 قاڭتاردان باستاپ قازاقستاندا ىنتىماقتى زەينەتاقى كولەمى (ەڭبەكتى) 8 پايىزعا, بازالىق زەينەتاقى جانە باسقا دا جاردەماقى تۇرلەرىنىڭ كولەمى 6 پايىزعا وسەدى. سونىمەن بىرگە, بازالىق زەينەتاقىنى تاعايىنداۋدىڭ ءادىس-تاسىلدەرى دە وزگەرەدى. ماسەلەن, بۇگىندە بازالىق زەينەتاقى تولەمدەرى ەڭبەك ءوتىلى ەسەپكە الىنباي بارلىعىنا بىركەلكى بەرىلىپ كەلسە, 2018 جىلدىڭ 1-شىلدەسىنەن باستاپ ەڭبەك وتىلىنە قاراي ەسەپتەلىپ بولىنەتىن بولادى. ءدال قازىر ەلىمىزدە بازالىق زەينەتاقى الاتىن 2 ملن 139 مىڭ ادام بار. ولاردىڭ 44,1 پايىزىنىڭ بازالىق زەينەتاقىسى ەكى ەسەگە كوتەرىلەتىن بولادى. ياعني, بۇل زەينەركەرلەر بۇگىنگى كۇنى – 14 466 مىڭ تەڭگە الاتىن بولسا, 1 شىلدەدەن – 28 274 تەڭگە زەينەتاقى الادى», دەدى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا.
