«قازاقستان ۇكىمەتى قىرعىزستاندىق تاراپتىڭ بەس تۇبەگەيلى باعىت بويىنشا سىندارلى ۇستانىمىنا ءۇمىت ارتادى. ءبىرىنشى: سالىقتىق اكىمشىلىكتەندىرۋ بويىنشا قىرعىزستان ۇلتتىق زاڭناماسىنىڭ نورمالارىن ەاەو قۇقىعىمەن سايكەستەندىرۋ. ەكىنشى: زاڭسىز ەكسپورتقا, ونىڭ ىشىندە كونترافاكتىلىك ونىمدەردىڭ ەكسپورتىنا قارسى ءىس-قيمىل», - دەدى پرەمەر-مينيستر تاشكەنتتە وتكەن تمد ۇكىمەت باسشىلارى كەڭەسىنىڭ وتىرىسىندا قازاقستاندىق-قىرعىزستاندىق شەكارا اۋماعىنداعى باقىلاۋ ماسەلەلەرى جونىندە.
«ۇشىنشىدەن: ەاەو تالاپتارىن ساقتاۋ ءۇشىن قىرعىز تاراپىنىڭ تاۋارلاردى تۇراقتى جانە ءتيىمدى ۆەتەرينارلىق-سانيتارلىق جانە فيتوسانيتارلىق (كارانتيندىك) باقىلاۋمەن قامتاماسىز ەتۋى. ءتورتىنشى: قىرعىزستاننىڭ ەكونوميكالىق وداققا مۇشە ەلدەردىڭ كولىكتىك زاڭناماسىن بۇزۋدىڭ الدىن الۋ جانە ەسكەرتۋ بويىنشا شارا قابىلداۋى.
بەسىنشى: كونتراباندا مەن قازاق-قىرعىز شەكاراسى ارقىلى ەسىرتكى زاتتارىن, قارۋ-جاراق, وق-ءدارى جانە وزگە دە تىيىم سالىنعان زاتتاردى زاڭسىز تاسىمالداۋعا جول بەرمەۋ. وسىلايشا, ءبىز ءوزىمىزدىڭ ۇلتتىق مۇددەلەرىمىزدى عانا ەمەس, ەاەو كەڭىستىگىنىڭ ەكونوميكالىق مۇددەلەرى مەن ەكونوميكالىق قاۋىپسىزدىگىن قورعاۋدامىز», - دەپ تولىقتىردى ول ءوز ءسوزىن.
باقىتجان ساعىنتاەۆتىڭ ايتۋىنشا, قازاقستان مەن قىرعىزستان شەكاراسىندا ەاەو زاڭناماسىنىڭ نورمالارى مەن تالاپتارىنا تولىق سايكەس كەلەتىن تەكسەرۋ مەن باقىلاۋ رەتتىلىگى ورناعان.
ء«بىز ەكىجاقتى ەكونوميكالىق ىنتىماقتاستىق پەن شەكارالىق, كولىكتىك, فيتوسانيتارلىق جانە ۆەتەرينارلىق باقىلاۋ, كەدەندىك جانە سالىقتىق اكىمشىلىكتەندىرۋدەگى ءوزارا ارەكەتتەستىك ماسەلەلەرى بويىنشا سىندارلى ديالوگقا دايىنبىز. الداعى ۋاقىتتا دا قىرعىزستاندىق ارىپتەستەرگە ەاەو قۇقىعى مەن نورمالارىنا بەيىمدەلۋگە كومەك كورسەتۋگە ءازىرمىز», - دەپ اتاپ ءوتتى باقىتجان ساعىنتاەۆ.
