تمد ەلدەرى باسشىلارى كەڭەسىنىڭ تاشكەنتتە ءوتىپ جاتقان كەڭەيتىلگەن وتىرىسىندا قىرعىزدىڭ ۇكىمەت باسشىسى ساپار ىسقاقوۆ كۇتپەگەن جەردەن قازاقستاننىڭ 2011 جىلدىڭ 18 قازانىندا قابىلدانعان تمد ەركىن ساۋدا ايماعى كەلىسىمىن ورىنداماي وتىرعانىن مالىمدەدى.
ءوز كەزەگىندە قازاقستان پرەمەر-ءمينيسترى باقىتجان ساعىنتاەۆ قازاقستاننىڭ ۇستانىمى ەاەو قاتىسۋشى مەملەكەتتەرىنىڭ ەكونوميكالىق قاۋىپتەرى مەن شىعىندارىن ازايتۋعا باعىتتالعانىن اتاپ ءوتتى.
«قازاقستان ۇكىمەتى قىرعىز تاراپىنىڭ مالىمدەمەسىن ورىنسىز دەپ سانايدى. ءبىزدىڭ ەلدىڭ وسى سۇراق بويىنشا ۇستانىمى بارىنە ءمالىم. ول ەۋرازيالىق ەكونوميكالىق وداق ەلدەرىنىڭ ورتاق ەكونوميكالىق كەڭىستىگىن قۇرۋ يدەولوگياسىنا سايكەس كەلەدى جانە وداققا مۇشە ەلدەردىڭ ەكونوميكالىق قاۋىپتەرى مەن شىعىندارىن ازايتۋعا باعىتتالعان,» - دەدى ساعىنتاەۆ.
ول سونداي-اق, قىرعىز تاراپىنان كونسترۋكتيۆتى ۇستانىم كۇتەتىنىن ايتتى.
