بولاشاق جاڭا قالاشىق «شىمكەنت ءسيتيدىڭ» اۋماعىندا وتكەن ءىس-شاراعا 2500-دەن استام وقۋشى قاتىستى. ولار اسفالت جانە مولبەرتكە سۋرەت سالۋ كونكۋرسىندا سىنعا ءتۇستى. بالدىرعانداردىڭ قاتىسۋىمەن فلەشموب ءوتتى.
انىقتاما ءۇشىن ايتا كەتەيىك, «شىمكەنت سيتي» جوباسى 2015 جىلى شىمكەنت قالالىق ءماسليحاتىنىڭ سەسسياسىندا تانىستىرىلعان بولاتىن. مۇنداعى جوبا بويىنشا 427 گەكتار اۋماقتا 70 مىڭ تۇرعىنعا شاقتالعان قالاشىق سالىنادى. قازىر بۇل شاعىن اۋداندا 7 جول مەن 20 ءۇيدىڭ قۇرىلىسى اياقتالىپ قالدى. الداعى ۋاقىتتا مۇندا كوپ قاباتتى 316 ءۇي سالىنىپ, جالپى اۋدان 12 ورامعا بولىنەدى دەپ جوسپارلانىپ وتىر. سونىمەن قاتار ورتا مەكتەپتەر, بالاباقشالار مەن ۇلكەن ساياباق تا سالىنادى.
بالدىرعاندار جاڭا ءالىپبي تاڭبالارىن قولدانۋ ارقىلى مەملەكەتتىك ساياساتقا وسىلايشا ءوز ۇلەستەرىن قوسىپ جاتىر. لاتىن ءالىپبيى ارقىلى ءوز وتانىنا دەگەن سۇيىسپەنشىلىك سەزىمدەرىن ءبىلدىردى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
