جوبانى ىسكە اسىرۋعا 3 ملن تەڭگە جۇمسالدى. كەنت ساياباعىندا ءارتۇرلى سپورت قۇرىلعىلارى, اتكەنشەكتەر, سىرعاناعى مەن قۇمسالعىشى بار زاماناۋي بالالار ويىن الاڭى ورناتىلدى. 324 شارشى مەتردى الىپ جاتقان جاڭا ويىن الاڭى اينالاسى بىرنەشە كۇندە بوي كوتەرىپ, ەسكى ساياباق جاڭا رەڭدە تۇرلەنىپ كەتتى. جاڭا ويىن الاڭىن جاستار مەن ۇلكەندەر كورىپ ۇلگەردى.
– بالالارىمىز ءۇشىن وتە قۋانىشتىمىز, – دەدى كەنت تۇرعىنى ولگا راكيتا. – بۇلدىرشىندەردىڭ جۇزىنەن دە قۋانىشتى كوردىك. ولارعا ارناپ تاماشا سىي جاساعاندارعا ەرەكشە ريزاشىلىعىمىزدى بىلدىرەمىز. ويىن بالاسى تازا اۋادا كوبىرەك ۋاقىت وتكىزەرى ءسوزسىز.
بۇل «تۋعان جەر – رودنىە گورودا» باعدارلاماسى ارقاسىندا كەنتتە پايدا بولعان ەكىنشى ويىن الاڭى. ەكى جىل بۇرىن تسەليننايا كوشەسىندە ءبىرىنشى ويىن الاڭى ورناتىلعان بولاتىن. جوبانى ىسكە اسىرۋعا 2,3 ملن تەڭگە بولىنگەن ەدى.
سونىمەن قاتار بيىل مەموراندۋمعا سايكەس باعدارلاما اياسىندا ليساكوۆ تەحنيكالىق كوللەدجىنە ارنايى جابدىق – LCD پانەلى مەن پلوتتەرى ساتىپ الىندى. بۇل كەن باسقارماسى ءۇشىن ماماندار دايارلايتىن قالاداعى جالعىز ارنايى ورتا وقۋ ورنى بولىپ تابىلادى. وقۋ جىلى باسىنان-اق كوللەدج-
گە جەتكىزىلگەن جابدىقتى پەداگوگتار سىناقتان وتكىزىپ, ساباقتا پايدالانىپ جاتىر.
– ERG-ءدىڭ «تۋعان جەر – رودنىە گورودا» اۋقىمدى كورپوراتيۆتىك باعدارلاماسى اياسىندا شاعىن اۋىلدار مەن قالالار تۇرعىندارىنىڭ, سونداي-اق كەنتتە تۇراتىن ءبىزدىڭ ەڭبەككەرلەردىڭ الەۋمەتتىك ماسەلەلەرى مەن ءوتىنىش-تىلەكتەرى شەشىمىن تابۋدا, – دەيدى كراسنووكتيابر بوكسيت كەن باسقارماسىنىڭ ديرەكتورى سەرگەي ششەلوكوۆ. – كومپانيا كۇندەلىكتى وندىرىستىك ماسەلەلەردى عانا ويلاماي, جەرگىلىكتى جەردەگى الەۋمەتتىك ماسەلەلەردى شەشۋگە دە اتسالىسادى.
Eurasian Resources Group S.a.r.l. (ERG) پەن قوستاناي وبلىسى اكىمدىگى اراسىندا 2017-2018 جىلداردا الەۋمەتتىك ماڭىزدى جوبالاردى ىسكە اسىرۋعا باعىتتالعان ءوزارا ىنتىماقتاستىق تۋرالى مەموراندۋم شەڭبەرىندە ءوڭىردى كوركەيتۋگە 8 ملرد تەڭگە جۇمسالادى. وسى قاراجاتتىڭ ءبىر بولىگى ليساكوۆ قالاسى مەن وكتيابر كەنتىندەگى يگىلىكتى ىستەرگە جۇمسالعان. اتاپ ايتقاندا, ۇيلەردىڭ اۋلاسىن اباتتاندىرۋ, سۋ قۇبىرى تورابىن, اعىن سۋدى بيولوگيالىق تازارتۋ ستانساسىن جاڭارتۋ, وكتيابر كەنتىندە جىلىتۋ تورابىن جوندەۋ مەن گاز قازاندىعى قۇرىلىسىن جۇرگىزۋ وسى قارجىنىڭ ارقاسىندا مۇمكىن بولادى. سونداي-اق ەلەكتركارديوگراف ساتىپ الۋ جوسپاردا بار.
سوڭعى ءۇش جىلدا وكتيابر كەنتىندە سوماسى 12,8 ملن تەڭگە بولاتىن جاساندى گازونى بار شاعىن فۋتبول الاڭى سالىندى, ارقايسىسىنىڭ قۇنى 1,5 ملن تەڭگە تۇراتىن زاماناۋي ءۇش اۆتوبۋس ايالداماسى ورناتىلدى. ليساكوۆ قالاسىنداعى 7-ءشى شاعىن اۋداندا قۇنى 11 ملن تەڭگە تۇراتىن سپورت الاڭى قالالىقتاردىڭ قۋانىشىنا اينالدى.
ءنازيرا جارىمبەت,
«ەگەمەن قازاقستان»
قوستاناي وبلىسى,
ليساكوۆ قالاسى
