حالىق وتە قوبالجۋلى-تىن. وسىنداي سىن ساعاتىندا مەملەكەت كومەككە كەلدى. 25 اپاتتى ۇيدە تۇرىپ جاتقان 300-گە جۋىق ادامعا ارنالىپ 6 تۇرعىن ءۇيدىڭ قۇرىلىسى باستالدى سولاي. جاقىندا وسى جۇمىستىڭ ناتيجەسىن كوردى حالىق. اپاتتى ۇيدە تۇرىپ جاتقان وتباسىلارعا جاڭادان سالىنعان 305 پاتەرلىك 6 كوپقاباتتى ءۇي پايدالانۋعا بەرىلدى. باسپانالى بولعانداردىڭ ىشىندە زەينەتكەرلەر, جاس جانە كوپ بالالى وتباسىلار مەن جۇمىسسىز ادامدار دا بار.
وبلىس اكىمى قىرىمبەك كوشەرباەۆ پاتەر يەلەرىنە سۋ جاڭا باسپانانىڭ كىلتتەرىن تابىستاپ, تۇرعىنداردى قونىس تويىمەن قۇتتىقتادى.
– ءبىز مەملەكەتتىك باعدارلامالار اياسىندا سالىنعان ۇيلەرمەن قاتار, جىل سايىن اپاتتى جاعدايداعى ۇيلەردىڭ ماسەلەسىن دە كەزەڭ-كەزەڭىمەن شەشىپ كەلەمىز. بۇعان دەيىن اپاتتى دەپ تانىلعان ۇيلەردىڭ ورنىنا 204 پاتەرلى 4 كوپ قاباتتى تۇرعىن ءۇي پايدالانۋعا بەرىلگەن بولاتىن. بۇگىن وسى يگىلىكتى ىستەردىڭ جالعاسى رەتىندە جاپپاسباي باتىر كوشەسى مەن تيتوۆ قىستاعىنداعى جاڭا شاعىن اۋداندا 305 پاتەرلى 6 كوپ قاباتتى تۇرعىن ءۇيدىڭ كىلتىن سالتاناتتى تۇردە تابىستاعالى تۇرمىز. ناتيجەسىندە, بيىل قالاداعى اپاتتى جاعدايداعى تۇرعىن ۇيلەردىڭ ماسەلەسى تولىعىمەن شەشىمىن تاپتى دەپ ايتۋىمىزعا بولادى. وسى يگى ىستەردىڭ بارلىعى – ەلباسى نۇرسۇلتان
نازارباەۆتىڭ سىندارلى ساياساتىنىڭ ارقاسىندا قول جەتكىزىپ وتىرعان ەڭ باستى جەتىستىگىمىز. ء«وز ءۇيىم – ولەڭ توسەگىم» دەپ, باسىندا جەكە باسپاناسى بولۋىن ارماندامايتىن ادام جوق. ءۇيلى بولسا, ءىشى جانعا تولسا ەكەن دەيدى. بۇگىن سىزدەر سول ارماندارىڭىزعا قول جەتكىزدىڭىزدەر, ەندى ءىشى ءسابيدىڭ كۇمىس كۇلكىسىنە تولسىن, – دەدى قىرىمبەك ەلەۋ ۇلى.
جاڭا قونىسقا قول جەتكىزگەن تۇرعىندار ريزاشىلىقتارىن ءبىلدىرىپ, العىستارىن جەتكىزدى.
ايتا كەتۋىمىز كەرەك, سوڭعى ءتورت جىلدا قىزىلوردا قالاسىندا 14 شاعىن اۋدان بوي تۇزەپ, تەك وسى جىلدىڭ وزىندە 61 كوپ قاباتتى ءۇيدىڭ 24-ءى پايدالانۋعا بەرىلدى. ال سوڭعى 4,5 جىلدا وڭىردەگى قۇرىلىس كولەمى 3,5 ەسەگە, وبلىس ورتالىعىندا 8 ەسەگە ارتتى. مۇنىڭ سىرتىندا قانشاما الەۋمەتتىك نىساندار سوعىلدى. سونىڭ ارقاسىندا, ايماقتا اپاتتى جاعدايدا ءبىلىم بەرىپ جاتقان مەكتەپتەر دە جوق. بۇل دەگەنىڭىز ۇلكەن كورسەتكىش.
ەرجان بايتىلەس,
«ەگەمەن قازاقستان»
قىزىلوردا
