ۇلكەن كوشەنىڭ ورتاسىندا شاشىلىپ تۇسكەن اسىقتار قازاق حالقىنىڭ ۇلتتىق ويىنى ءبىر ءتۇرى بولىپ سانالادى. ول كۇندىز دە, تۇندە دە وينالادى. ماسەلەن, كۇندىزگىسى مەرگەندىككە, تۇندەگىسى ەپتىلىككە باۋليدى. يىرگەندە تۇسكەن قالپىنا قاراي اسىق الشى, تايكە, بۇك, شىك دەپ اتالادى. ال, اتۋعا ارناپ جاسالعاندارى ساقا, جاقسىلارى وڭقاي دەپ بولىنەدى. مىنا اسىقتارعا قاراپ تۇرىپ, بالالىق كەزەڭدەگى ويىندار ەسكە تۇسەدى. ونىڭ مىنا تۇرلەرى ويعا ورالادى سوندا, قۇمار, تايكە, ومپى, الشى, حان اتۋ, قاقپاقىل تاعى باسقالارى بولىپ كەتە بەرەتىن.
ويىنعا 2-4 بالا قاتىساتىن. جەڭۋ ءۇشىن ارقايسىسى جاقسى جونىلعان, تابانى قايرالعان ءتورت اسىعى بولۋى شارت. ويىنشىلار ءوزارا كەلىسىپ, جەڭىمپازعا جۇلدە تاعايىنداپ الادى دا, كەزەكپەن ءتورت اسىقتى اتادى. ەگەر ءيىرۋشى: ءتورت بۇك, نە ءتورت شىك, نە ءتورت الشى, نە ءتورت تايكى تۇسىرسە جۇلدەنىڭ جارتىسىن الادى, ءتورت اسىق ءتورت ءتۇرلى تۇسسە قويىلعان جۇلدەنىڭ جارتىسىن الادى, ءتورت اسىق ءتورت ءتۇرلى تۇسسە وندا تىگىلگەن جۇلدەنى تۇگەلدەي الادى. وسىلايشا ويىن جالعاسا بەرەدى.
قىزىق, مىناۋ شاشىلىپ تۇسكەن اپپاق اسىقتاردى كورگەن بالالار تاڭىرقاي قارايدى. ولارعا تاڭسىق قوي. مىنا كۇزگى كانيكۋل كۇندەرى ادەمى تاعلىمدى ەلەستەتەدى. كورىڭىز, ەسكەرتكىش دەگەندە كوپ عوي, ونىڭ ءتۇرى دە, مازمۇنى دە سان ءتۇرلى بولسا كەلەدى...
ساپارباي پارمانقۇل,
«ەگەمەن قازاقستان»
