سونداي-اق, وڭىردە جالپى جىلىجايلار كولەمى 1 294 گەكتاردان اسسا, بيىلدىڭ وزىندە 171 گا جەرگە جىلىجاي سالىندى. بۇل ەلدە بار جىلىجايلاردىڭ 80 پايىزىن قۇرايدى.
وسىنداي وزىق تەحنولوگيانى قولدانۋدىڭ ارقاسىندا وبلىستااۋىل شارۋاشىلىعىنىڭ جالپى ءونىم كولەمى 57 ملرد. تەڭگەگە كوبەيىپ, 376,5 ملرد تەڭگەنى قۇرادى. بيىلعى جىلى شارۋالار بيداي مەن ارپانىڭ ءار گەكتارىنان 18,3 تسەنتنەردەن ءونىم الىپ, 400 مىڭ تونناعا جۋىق استىقتى قامباعا قۇيدى. ودان بولەك, 116 مىڭ توننا جەمىس-جيدەك, 919 مىڭ توننا كوكونىس, 77 مىڭ توننا ءجۇزىم, 295 مىڭ توننا كارتوپ پەن 1,3 ملن توننا باقشا داقىلدارىن جينادى.
سونىمەن بىرگە, اۋدانداردىڭ گەوگرافيالىق جانە كليماتتىق ەرەكشەلىكتەرىنە بايلانىستى ءار اۋداننىڭ الەۋەتىن ءتيىمدى پايدالانۋ جانە اۋىل شارۋاشىلىعى ونىمدەرىن ۇلعايتۋ ماقساتىندا وسىمدىك شارۋاشىلىعىن دامىتۋدىڭ نەگىزگى باعىتتارى ايقىندالدى. اتاپ ايتقاندا, ەگىن القاپتارىندا تەرەڭ قوپسىتۋ جانە تىكەلەي سەبۋ ءادىسىن پايدالانۋ, تاۋلى ايماق - تولەبي, تۇلكىباس, قازىعۇرت, بايدىبەك, سايرام اۋداندارىندا بيداي داقىلىنىڭ ورنىنا ەرتە مەرزىمدىك كارتوپ ەگۋ, جاڭعاقتى جانە جيدەك داقىلدارىنىڭ كوشەتتەرىن وتىرعىزۋ جانە ءوسىرۋ شىعىندارىنىڭ قۇنىن جەرگىلىكتى بيۋدجەتتەن سۋبسيديالاۋ ماسەلەسى قاراستىرىلماق.
وبلىستىق اۋىل شارۋاشىلىعى باسقارماسىنىڭ ماماندارى وسى باعىتتاعى جۇمىستار الداعى جىلدارى دا ءوز جالعاسىن تاباتىنىن ايتىپ وتىر.
