بۇرىنعى كەمشىلىكتەر ەسكەرىلۋى ءتيىس

پارلامەنت سەناتىنىڭ اگرارلىق ماسەلەلەر جانە قور­شا­عان ورتانى قورعاۋ كوميتەتى دەپۋتاتتارىنىڭ اۋىل شارۋا­شى­لىعى مينيسترلىگى سۋ رەسۋرستارى كوميتەتىنىڭ باسشىلىعىمەن كەزدەسۋىندە 2002-2010 جىلدارعا ارنالعان «اۋىز سۋ» مەملەكەتتىك باعدارلاماسىنىڭ ورىندالۋ جايى تالقىلاندى, دەپ حاب­ار­لادى وسى پالاتانىڭ ءباسپاسوز قىزمەتى. تالقىلاۋعا سەنات دەپۋتات­تا­رى, سەنات اپپاراتىنىڭ, اۋىل شارۋاشىلىعى مينيستر­لى­گىنىڭ, قۇرىلىس جانە تۇرعىن ءۇي-كوم­مۋنالدىق شارۋاشىلىق ىستەرى اگەنتتىگىنىڭ, تابيعي مونوپو­ليا­لار­دى رەتتەۋ جونىندەگى اگەنت­تىكتىڭ, سولتۇستىك قازاقستان, وڭ­تۇستىك قازاقستان وبلىس­تا­رى­نىڭ, استانا قالاسى اكىمدىگىنىڭ جاۋاپتى قىزمەتكەرلەرى, سۋمەن قامتۋ كاسىپورىندارىنىڭ وكىل­دەرى قاتىستى. تالقىلاۋدى اشا كەلىپ, اگ­رار­لىق ماسەلەلەر جانە قور­شا­عان ورتانى قورعاۋ كوميتەتىنىڭ توراعاسى بولات جىلقىشيەۆ 2002-2010 جىلدارعا ارنالعان «اۋىز سۋ» مەملەكەتتىك باعدار­لا­ماسىن ىسكە اسىرۋ ناتيجەلەرى تۋرالى قىسقاشا اڭگىمەلەدى. كەزدەسۋ بارىسىندا بۇل ماق­ساتقا مەملەكەت بيۋدجەتىنەن 205,4 ميلليارد تەڭگەدەن اسا قارجى بولىنگەنى, ۇزىندىعى 12 935 شاقىرىم بولاتىن اۋىز سۋ قۇبىرىنىڭ جەلىسى ىسكە قوسىل­عانى ايتىلدى. شالعايداعى 3417 اۋىل مەن سەلو تازا اۋىز سۋمەن قامتاماسىز ەتىلدى. سەناتور, سونداي-اق 2011-2020 جىل­دار­عا ارنالعان «اقبۇلاق» باع­دار­لاماسىن جۇزەگە اسىرۋ با­رى­سىنا نازار اۋدارا وتىرىپ, بۇ­رىن­عى باعدارلامالاردى ورىن­داۋ كەزىندە انىقتالعان جەتىسپەۋ­شىلىكتەردى رەسپۋبليكالىق ما­ڭى­زى بار استانا جانە الماتى قالالارىن سۋمەن قامتاماسىز ەتۋدە ەسكەرۋ قاجەتتىگىن اتاپ ءوتتى. كەزدەسۋدە اۋىل شارۋاشى­لى­عى مينيسترلىگىنىڭ سۋ رە­سۋرستارى كوميتەتىنىڭ توراعاسى ا.ورمان, قۇرىلىس جانە تۇر­عىن ءۇي-كوممۋنالدىق شارۋا­شى­لىق ىستەرى اگەنتتىگى توراعا­سى­نىڭ ورىنباسارى س.دەمباي جانە تابيعي مونوپوليالاردى رەتتەۋ جونىندەگى اگەنتتىك ءتور­اعا­سىنىڭ ورىنباسارى ق.سما­عۇلوۆ ءسوز سويلەپ, دەپۋتاتتار­دىڭ ساۋالدارىنا جاۋاپ بەردى. كەزدەسۋدى قورىتىندىلاعان اگرارلىق ماسەلەلەر جانە قور­شاعان ورتانى قورعاۋ كومي­تە­تىنىڭ توراعاسى ب.جىلقىشيەۆ 2002-2010 جىلدارعا ارنالعان تازا اۋىز سۋ جونىندەگى مەملەكەتتىك باعدارلامانى جۇزەگە اسىرۋعا تەرىس اسەر ەتكەن ولقى­لىقتارعا «اقبۇلاق» باعدارلا­ما­سىن جۇزەگە اسىراتىن قۇرى­لىم­دار باسشىلارىنىڭ نازا­رىن اۋدارىپ, وسى سالا بوي­ىن­شا ورتالىق جانە جەرگىلىكتى اتقارۋشى ورگاندار, ينۆەستورلار مەن عىلىمي ينستيتۋتتار جانە ۇكىمەتتىك ەمەس سەكتور ارا­سىنداعى ءوزارا ءىس-قيمىلدى ءۇي­لەس­تىرۋ قاجەتتىگىن اتاپ كور­سەتتى.