سۋارمالى جەرلەرگە وڭ قاباق تانىتايىق

پارلامەنت «ەگەمەن قازاقستاننىڭ» ارناۋلى بەتى _________ رەسپۋبليكا حالقىن ساپالى ازىق-ت ۇلىكپەن قامتاماسىز ەتۋدە سۋارمالى جەرلەردىڭ الاتىن ورنى ەرەكشە. ونداي جەرلەردى پايدا­لا­نۋ­دىڭ تيىمدىلىگىن ارتتىرۋ ماقسا­تىن­دا پارلامەنت سەناتىنىڭ اگ­رار­لىق ماسەلەلەر جانە قورشاعان ورتانى قورعاۋ كوميتەتى ءتيىستى ورتالىق وكىلەتتى ورگاندارمەن بىرلەسىپ وتكىزگەن بىرنەشە تالقى­لاۋ­لاردان كەيىن, 2011 جىلعا ارنال­عان رەسپۋبليكالىق بيۋدجەتتەن سۋار­ما­لى جەرلەردىڭ مەليوراتيۆتىك جاع­داي­ىن جاقسارتۋعا (جەردى تەگىستەۋ, تەرەڭ قوپسىتۋ, كانالدار مەن كا­رىزدەرى تازارتۋ) ارنالعان قا­نات­قاق­تى جوبا اشىلىپ, وڭ­تۇس­تىك قا­زاق­ستان وبلىسىنا 1,8 ملرد. تەڭگە قارجى قاراستىرىلدى. بۇل قانات­قاق­تى جوبانىڭ قورى­تىن­دى­سى بوي­ىنشا اتالعان جۇمىستاردى جۇرگىزۋ ءۇشىن 2012 جىلدان باستاپ رەس­پۋب­ليكانىڭ باسقا دا سۋارمالى وڭىر­لە­رىن قامتۋ ويلاستىرىلعان بولاتىن. بولىنگەن قارجىلاردى تولىق جانە ءتيىمدى يگەرۋ ماقساتىندا «وب­لىستىق بيۋدجەتتەردىڭ, استانا جانە الماتى قالالارى بيۋدجەت­تەرى­نىڭ وسىمدىك شارۋاشىلىعى ءونى­مى­نىڭ شىعىمدىلىعىن ارتتىرۋدى سۋبسيديالاۋعا 2011 جىلعا ار­نال­عان اعىمداعى نىسانالى ترانسفەرتتەردى پايدالانۋ قاعيداسىن بەكىتۋ تۋرالى» 2011 جىلدىڭ 9 ناۋرىزىندا ۇكىمەتتىڭ قاۋلىسى قابىلداندى. الايدا, ۇكىمەت قاۋلىسىمەن بەكىتىلگەن قۇجاتتا سۋارمالى جەر­لەر­دىڭ مەليوراتيۆتىك جاعدايىن جاق­سارتۋ جۇمىستارى تەحنيكا پايدالانۋ ارقىلى جانە جىل ون ەكى اي بويى جۇرگىزە بەرۋگە بولاتىنى ەسكەرىلمەستەن, سۋارۋ جۇيەلەرى ارام­شوپ­تەردەن جانە لايدان قول­مەن تازارتىلادى, سۋارمالى جەرلەردەگى مەليوراتيۆتىك جۇمىستار 25 ساۋىر­دەن كەشىكتىرمەي جۇزەگە اسىرىلادى دەپ كورسەتىلگەن. بۇل سۋارمالى جەرلەردىڭ مەليوراتيۆتىك جاعدايىن جاقسارتۋ جۇ­مىس­تارىن باستاماي جاتىپ توق­تا­تۋ­عا اكەلىپ وتىر. ءبىر جىلعا بولىن­گەن قارجىنى 25 ساۋىرگە دەيىن, ءبىر جارىم اي كولەمىندە يگەرۋ مۇمكىن دە ەمەس ەدى. وسىنىڭ سالدارىنان بو­لىنگەن 1,8 ملرد. تەڭگە سۋبسي­ديا­نىڭ تولىق يگەرىلمەي قالۋ قاۋپى تۋىنداپ وتىر. وسىعان بايلانىستى ۇستىمىز­دەگى جىلدىڭ ورتاسىندا ۇكىمەت قاۋ­لى­سىمەن بەكىتىلگەن قۇجاتقا وزگە­رىس­تەر ەنگىزۋ تۋرالى پرەمەر-ءمي­نيس­تردىڭ اتىنا دەپۋتاتتىق ساۋال جول­دا­عان ەدىم. ۇستىمىزدەگى جىلدىڭ 18 شىلدەسىندە №11-21/3638 حاتپەن كەلگەن جاۋابىندا ۇكىمەت باسشىسى سۋارۋ جۇيەلەرىن ارامشوپتەردەن جانە لايدان تازارتۋ جۇمىستارىن قولمەن نەمەسە تەحنيكامەن تازارتۋ, مەليوراتيۆتىك جۇمىستاردىڭ اياق­تالۋ مەرزىمىن 25 ساۋىردەن 25 جەل­توق­سانعا اۋىستىرۋ جانە 1 گا. جەردە ات­قا­رى­لۋى ءتيىس مەليوراتيۆتىك جۇمىس­تار­عا قارالاتىن قارجى كولەمىن 40-50 پايىزعا ۇلعايتۋ تۋ­رالى ۇسىنىس­تاردى قولداپ, ولاردى ۇكىمەتتىڭ قۇجاتتى بەكىتۋ كەزىندە ەسكەرەتىنىن حابارلاعان ەدى. الايدا, سودان بەرى بىرنەشە اي وتسە دە, اتالعان قۇجاتقا ءتيىستى وز­گەرىستەر ەنگىزىلمەي, ماسەلە ءوز شەشىمىن تاپپاي وتىر. بۇعان قوسا قا­ناتقاقتى جوبا بويىنشا وڭتۇستىك قازاقستان وبلىسىنا بولىنگەن 1,8 ملرد. تەڭگە قارجىنى تولىق يگەرۋدە قيىنشىلىقتار تۋىنداپ, بيۋد­جەتتى پىسىقتاۋدا ونىڭ كولەمى 491 ملن. تەڭگەگە ازايتىلدى. ال 2012 جىل­­عا ارنالعان رەسپۋبليكالىق بيۋد­­جەتتە سۋارمالى جەرلەردىڭ مەليوراتيۆتىك جاعدايىن جاقسارتۋعا سۋبسيديا مۇلدەم قاراستىرىل­ماعان. بۇل ماسەلەنىڭ تولىق شەشىلۋى, ەلىمىزدى سۋارمالى جەرلەردە وسەتىن ازىق-ت ۇلىك ونىمدەرىمەن, اتاپ ايت­قان­دا: قانت, وسىمدىك مايى, كوكونىس, كۇرىش, جەمىستەر مەن ءجۇزىم جانە مال مەن قۇس شارۋاشىلىعى ونىم­دە­رىن وندىرۋگە قاجەتتى جوعارى بەلوكتى جەمشوپ داقىلدارىمەن قامتاماسىز ەتۋگە ۇلكەن سەپتىگىن تيگىزگەن بولار ەدى. سوندىقتان, ەشتەن – كەش جاق­سى دەگەندەي, جوعارىدا ايتىلعان­دار­دىڭ نەگىزىندە, 2011 جىلعا ار­نال­­عان رەسپۋبليكالىق بيۋدجەتتەن سۋار­مالى جەرلەردىڭ مەليوراتيۆتىك جاعداي­ىن جاقسارتۋعا باعىت­تال­عان قانات­قاق­تى جوباعا بولىن­گەن قارجى­لار­دى يگەرۋ ماقساتىندا اتقارىلۋى ءتيىس جۇمىستارعا ۇكى­مەت ءالى دە بولسا وڭ كوزقاراس تانىتادى دەپ سەنەيىك. قۋانىش ايتاحانوۆ, سەنات دەپۋتاتى.