ازياداعا از ۋاقىت قالدى...

2011 جىلعى ءۇىى-ءشى قىسقى ازيا ويىندارىن وتكىزۋگە دايىندىق بارىسى قالاي؟ “نۇر وتان” حدپ-نىڭ الماتى قالالىق فيليالى مەن الماتى قالاسى بويىنشا “2011 جىلعى ءۇىى-ءشى قىسقى ازيا ويىندارىنىڭ ديرەكتسياسى” ۇيىمداستىرۋىمەن وسى ماڭىزدى سپورتتىق شاراعا ازىرلىك بارىسى تۋرالى تۇرعىنداردى اقپاراتتاندىرۋ ماقساتىندا قوعامدىق تىڭداۋ ءوتتى. جيىندا بۇل تۋرالى ازيا قۇرلى­عىنىڭ جەتىنشى قىسقى ويىن­دارىنىڭ الماتى قالاسى بويىنشا “2011 جىلعى قىسقى ازيا ويىن­دارى ديرەكتسياسىنىڭ” ديرەكتورى سۇلتانماحمۇت شوقپىتوۆ بايانداما جاساپ, تولىق اقپار بەردى. ونىڭ ايتۋىنشا, ازيادانى 2011 جىلدىڭ 30 قاڭتارىنان 6 اقپان ارالىعىندا وتكىزۋ جوسپارلانعان. وعان 30-دان استام ەلدىڭ سپورتشىلارى قاتىس­پاق. قازىرگى كەزدە اتالمىش جارىس­تىڭ باعدارلاماسى قابىلدانىپ, وعان شاڭعى مەن كونكي جارىسى, شايبالى حوككەي, تاعى باسقا دا 11 سپورتتىق ويىن تۇرلەرى كىرمەك. ءبىر ايتا كەتەرلىگى, اتالمىش ديرەك­تسيا اق ازيادانىڭ الاۋى تۇتانعانشا بۇل دودانى ناسيحاتتاۋ ماقساتىندا ءتۇرلى جارىستار مەن اكتسيالار ۇيىمداستىرۋدى باستاپ تا جىبەرىپتى. ماسەلەن, “ازياداعا – ءبىر جىل قالدى!” دەۆيزىمەن وتكەن سەنبى كۇنى جالپىقالالىق سپورت شارالارى وتكىزىلدى. بۇل كۇنى ال­ماتىلىقتار ءۇشىن تاۋ شاتقا­لىن­داعى “مەدەۋ” جانە قالاداعى بەس مۇز ايدىنى وسى اكتسيا ۇيعارى­مى­مەن تەگىن جۇمىس ىستەدى. ايدىن­دار­دىڭ ەرەكشەلىگى, ولاردىڭ بارلىعى ازيادا-2011 ستيلىنە ساي بەزەن­دىرىل­گەن. ال رەسپۋبليكا سارايىندا WAFC ۆەرسياسى بويىنشا پانكرا­تيون­­نان حالىقارالىق تۋرنير تابىستى ءوتتى. سونداي-اق, قالاداعى  سپورت, تۋريزم جانە جاستار سايا­ساتى ءىسى جونىندەگى باسقار­ما­لاردىڭ بىرلەسۋىمەن دە بىرنەشە ءىس-شارالار ۇيىمداستىرىلىپ, الماتىداعى  جوعارى وقۋ ورىندارىندا ستۋدەنت­تەردىڭ ۋنيۆەرسيتەتارالىق قىسقى سپارتاكياداسى, ۆولەيبول مەن ۇلتتىق ويىنداردان ءتۇرلى جارىس­تاردىق قورىتىندىسى شىعا­رىلدى. ال جەكسەنبى كۇنى وتكەن “دەنە شىنىقتىرۋ مەن سپورتتى دامىتۋ­دىڭ 2007-2011 جىلدارعا ارنالعان قالالىق باعدارلاماسى” اياسىندا قىرعاۋىل اۋىلىنىڭ تاۋ بوكتەرىن­دە 21-ءشى ءداستۇرلى سپورتتىق “قىس-2010” فەستيۆالى الماتىلىق­تار كوڭىلىنەن شىقتى. جاقىن ارادا بالۋان شولاق اتىنداعى سپورت سارايىنىڭ الدىندا اق ازياداعا ارنالعان بيلبورد ورناتىلىپ, وعان قوسىمشا اق وليمپياداعا قانشا كۇن قالعاندىعىن كورسەتىپ وتىرا­تىن ەلەكتروندى تابلو قويىلماق. – ەلباسىنىڭ “جاڭا ونجىل­دىق – جاڭا ەكونوميكالىق ورلەۋ – قازاقستاننىڭ جاڭا ءمۇم­كىن­دىكتەرى” اتتى قازاقستان حالقىنا جولداۋىندا اتاپ كورسەتكەنىندەي, ءبىز ءوزىمىزدى سپورتتىق دەرجاۆا ەكەنىمىزدى كورسەتۋىمىز كەرەك. بۇل – ازيادا-2011 قىسقى ويىندارىنىڭ ستراتەگيالىق مىندەتى, – دەدى بايان­داماسىنىڭ سوڭىندا س.شوقپىتوۆ. – سپورت بۇگىندە ءبىزدىڭ ومىرىمىزدە ەڭ ماڭىزدى ورىن السا, ال سالا­ماتتى ءومىر سالتى جەتىستىك­تەرىمىزدىڭ العىشارتى. ەگەر ادام وسى ەكەۋىن  قاتار ۇستانسا, وندا ول قوعامداعى بەدەلدى ءارى كۇشتى ينتەللەكتۋال بولىپ ەسەپتەلەدى. پرەزيدەنتتىڭ جولداۋدا: “تۋريزم جانە سپورت مينيسترلىگى اكىمدەرمەن بىرگە ەلدە بۇقارالىق سپورتتى دامىتۋ ءۇشىن بىرلەسكەن ءىس-شارا­لاردى انىقتاپ, ولاردى ناقتى ىسكە اينالدىرۋى ءتيىس. 30 پايىزعا دەيىنگى قازاقستان­دىقتار بۇقارالىق سپورتقا تار­تىلۋى كەرەك”, دەپ ۇلتتىڭ ساۋلىعى جايىندا اتاپ كور­سەتۋى وتە وزەكتى ماسەلە. ال مەنىڭ كوزقاراسىمدا بۇل, ەڭ الدىمەن, جاستارعا قاتىستى. ويتكەنى, قىز-جىگىتتەر ءبىزدىڭ ەلىمىزدىڭ بولاشاعى. قوعامدىق تىڭداۋ بارىسىندا “نۇر وتان” حدپ الماتى قالالىق فيليالى توراعاسىنىڭ ءبىرىنشى ورىنباسارى امانگەلدى كاريمۋللين بۇگىنگى تاڭدا قىسقى ازيا ويىن­دارى وتەتىن قالالاردىڭ ۇيىم­داس­تىرۋشىلارى ءتۇرلى سپورت كەشەن­دەرىن دايىنداۋ جۇمىستارىن تولىق­تاي جۇرگىزىپ وتىرعانىن اتاپ وتە كەلە, “نۇر وتان” حدپ-نىڭ ال­مات­ى قالالىق فيليالى مەن ال­ماتى قالاسى بويىنشا “2011 جىل­عى قىسقى ازيا ويىندارى ديرەك­تسياسى” اراسىندا كەلەسى جىلى وتەتىن ازيا ويىندارىن قولداۋ مەن وتكىزۋ تۋرالى مەموراندۋمعا قول قويدى. سونىمەن قاتار, باسقوسۋدا الماتى قالاسىنىڭ “ازيادا-2011” شاراسى جايلى قالا تۇرعىندارىن اقپاراتتاندىرۋدا بەلسەندىلىك تانى­تىپ جۇرگەن جۋرناليستەردى العىس حاتتارمەن ماراپاتتادى. گۇلزەينەپ سادىرقىزى.