20 جىلدىق مەرەكە سالتاناتى

ۇستىمىزدەگى جىلدىڭ 27-30 قازانى ارالىعىندا ماسكەۋ جانە سانكت-پەتەربۋرگ قالالارىندا رەسەي فەدەراتسياسى كونستيتۋتسيالىق سو­تى­نىڭ 20 جىلدىعىن مەرەكەلەۋگە ارنالعان سالتاناتتى ءىس-شارالار وتۋدە. اتالعان مەرەيتويلىق ءىس-شارالارعا رەسەي فەدەراتسياسى مەملەكەتتىك بيلىك ورگاندارىنىڭ ءبىرىنشى باسشىلارى, بەدەلدى حالىق­ارالىق ۇيىمدار مەن قۇقىق قورعاۋ ينستيتۋتتارىنىڭ, سونداي-اق شەتەلدەردىڭ كونستيتۋتسيالىق باقىلاۋ ورگاندارىنىڭ وكىلدەرى, سولاردىڭ قاتا­رىن­دا قازاقستان رەسپۋبليكاسى كونستيتۋتسيالىق كەڭەسىنىڭ توراعاسى ي.روگوۆ باستاعان دەلەگاتسيا دا قاتىسۋدا. بۇل مەرەيتويعا رەسەي تارابى ەرەكشە ءمان بەرۋدە. ءىس-شارا­لار­دىڭ اشىلۋ ءراسىمى 27 قازان كۇنى ماسكەۋ كرەملىندە ءوتىپ, سول جەردە شەتەلدىك دەلەگاتسيالاردى رەسەي فەدە­را­تسياسىنىڭ پرەزيدەنتى د.­ا.مەد­ۆە­دەۆ قابىلدادى. جوعارى دەڭگەيدەگى قابىل­داۋ­دان كەيىن, 28 قازان كۇنى سانكت-پە­تەربۋرگ قالاسىندا كونگرەستەر سارايىندا «كونستيتۋتسيالىق با­قى­­لاۋ: دوكتريناسى جانە پراك­تي­كاسى» اتتى حالىقارالىق عىلىمي-پراك­تي­كالىق كونفەرەنتسيا باس­تال­دى. ون­ىڭ ماقساتى – ءومىردىڭ بار­لىق سا­لاسىندا كونستيتۋتسيانىڭ ۇلىق­تى­عىن قامتاماسىز ەتۋ, ەلدىڭ قول­دا­نىس­تاعى قۇقىعى نەگىزگى زاڭعا ءساي­كەس بولۋىنا كونستي­تۋ­تسيا­لىق باقى­لاۋ جۇرگىزۋ ماسە­لە­لە­رىن تالقىلاۋ, وڭ تاجىريبە الماسۋ, سونداي-اق كونس­تيتۋتسيالىق ادىلەت ورگان­دارى­نىڭ كوپجاقتى جانە ەكىجاقتى فورماتتاردا ودان ءارى ىنتىماقتاسۋى­نىڭ نەگىزگى باعىت­تا­رىن ايقىنداۋ. كونفەرەنتسيا شەڭبەرىندە كونس­­تي­تۋتسيالىق كەڭەستىڭ ءتور­اعا­سى ي.روگوۆ «قازاقستان رەسپۋبلي­كا­­سىنداعى كونستيتۋتسيالىق باقى­لاۋ: قۇقىقتىق مەملەكەت ورنىق­تى­رۋ جاع­دايىنداعى جاي-كۇيى جانە دا­مۋى» تاقىرىبىندا بايانداما جا­سادى. بۇل بايانداما قازاق­ستان­نىڭ مەملەكەتتىك قۇقىق ساياساتىن ءجۇ­زە­گە اسىرۋ سالاسىنداعى جەتىستىكتەرىن كەڭ اۋقىمدى حالىق­ارا­لىق زاڭ­گەرلەر قوعامداستىعىنىڭ نازارىنا جەتكىزۋگە مۇمكىندىك بەردى. ءوز سوزىندە ي.روگوۆ كونستي­تۋ­تسيالىق باقىلاۋ الەم مەملەكەت­تە­رىنىڭ كوپشىلىگىندە قازىرگى زامانعى دەموكراتيالىق قۇرىلىستىڭ ما­ڭىز­دى اتريبۋتى بولىپ تابى­لا­تىنىن اتاپ ءوتتى. ول بولمايىنشا قازىرگى جاعدايدا كونستيتۋتسيالىق زاڭدىلىقتى, دەمەك تۇتاس العاندا زاڭدىلىقتى ساقتاۋ مۇمكىن ەمەس. قازاقستان رەسپۋبليكاسىندا كونس­تيتۋتسيالىق باقىلاۋ مەملەكەتتىك بيلىك ورگاندارىن عانا ەمەس, قو­عام­نىڭ ءاربىر مۇشەسىن دە قۇقىققا بويسۇنۋعا كوندىرە وتىرىپ, ما­ڭىز­دى الدىن الۋ شاراسى بولىپ تابى­لادى, دەپ حابارلادى كونس­تي­تۋ­تسيالىق كەڭەستىڭ ءباسپاسوز قىز­مەتى.