جالپى جاعداي جاقسى قالىپتا

كەشە مەملەكەت باسشىسى نۇرسۇلتان نازارباەۆ قازاقستان رەسپۋبليكاسى ۇلتتىق بانكىنىڭ توراعاسى گريگوري مار­چەن­كونى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. گ.مارچەنكو مەملەكەت باسشى­سىن ەلدىڭ قارجى سالاسىنداعى, اتاپ ايتقاندا, ۆاليۋتا نارىعى­نىڭ اعىمداعى جاعدايى تۋرالى حاباردار ەتتى. – سوڭعى بىرنەشە كۇندە تەڭگە نىعايۋدا. سىرتقى ورتا قازاقستان ءۇشىن قولايلى قالپىن ساقتاۋدا. مۇ­ناي, استىق, مەتالل باعاسى جوعارى دەڭگەيدە. ءبىز ەگەر بۇل جاعداي ودان ءارى جالعاساتىن بولسا, وندا جالپى اتالعان وڭ ءۇردىس ساقتالادى دەپ كۇتىپ وتىرمىز. سونىمەن قاتار, مەن مەملەكەت باسشىسىنا بانك نارىعى­نداعى جاعداي تۋرالى باياندادىم. بي­ىل­عى جىلدىڭ مامىر ايىنان باستاپ وڭ ءۇردىس بايقالۋدا. بانكتەر تاراپىنان ەكونوميكانىڭ ناقتى سەكتورىنا نەسيە ءبولۋ ارتا باس­تادى. تۇرعىنداردىڭ دەپوزيتتەرى مەن سالىمدارىنىڭ ءوسىمى تۇ­راق­تى جالعاسىن تابۋدا, وسى رەتتە دەپوزيتتى دوللاردان گورى تەڭ­گە­مەن سالۋ جالعاسىن تابۋدا. جال­پى العاندا, ماكروەكونوميكالىق جاعداي, بانك سەكتورى مەن ۆاليۋتا نارىعى­نداعى جاعدايلار جاقسى قالىپتا قالىپ وتىر, – دەدى گ.مار­چەنكو جۋرناليستەرگە ار­نال­عان بريفينگ بارىسىندا.