الەم چەمپيوناتى استانادا وتەدى

حالىقارالىق اۋەسقوي بوكس فەدەراتسياسىنىڭ كەڭەيتىلگەن القا ءماجىلىسىنىڭ ەكىنشى جۇمىس كۇنىندە بىرنەشە ماسەلە قارالدى. سونىڭ ەڭ باستىسى, الەم چەمپيوناتى وتەتىن قالانىڭ تانىستىرىلىمى بولدى. وعان اۋەلى بەس ەل ءوز كانديداتۋرالارىن ۇسىنعان ەكەن. اقىرى جارىسا كەلە 2011 جىلعى جاس­وسپىرىمدەر اراسىنداعى الەم چەمپيوناتىن وتكىزۋگە قازاقستان مەن تايلاند لايىق دەپ شەشىلىپتى. بىراق, تاي ەلىنىڭ وكىلدەرى سوڭعى ساتتە ءاىۆا-نىڭ تالاپ-تىلەكتەرىمەن كەلىسە الماي, چەمپيوناتتى وتكىزە المايمىز دەپ مالىمدەگەن ەكەن. سوندىقتان اتالمىش شارانى وتكىزۋ قۇقىعىنا قازاقستان يە بولىپ قالىپتى. وسىعان بايلانىستى القا ماجىلىسىندە قىتايعا ءبىزدىڭ دەلەگاتسيانى باستاپ بارعان بوكس فەدەراتسيا­سىنىڭ ۆيتسە-پرەزيدەنتى جانبولات سارسەنوۆ ءاىۆا اتقارۋ كوميتەتى مۇشەلەرىنىڭ الدىندا قازاق ەلىنىڭ تانىستىرىلىمىن وتكىزدى. مۇندا ونىڭ بايانداماسى­مەن قوسا تۋعان رەسپۋبليكامىز تۋرالى بەينە-بايان كور­سەتىلىپ, الەم چەمپيوناتى وتەتىن استانا قالاسى­نى­ڭ مۇمكىندىگى مەن سپورت كەشەندەرى تانىستىرىلدى. وسى جەردە سارسەنوۆ مىرزا چەمپيوناتقا قاتىساتىن ەلدەردىڭ بارلىعىنا قازاقستان تاراپىنان جاتىن ورىندار مەن تاماعىنا جەڭىلدىكتەر جاسالاتىندىعىن جانە بوكس ونەرى كەنجە قالىپ كەلە جاتقان ەلدەردىڭ جول اقىسىن قازاقستان جاعى ءوزى كوتەرىپ الاتىن­دىعىن ايتتى. وسىدان كەيىن القا مۇشەلەرى ءبىر اۋىزدان قازاقستاندى قولدادى. ءاىۆا پرەزيدەنتى چين كو ۆۋ بوكسقا قامقورلىق تانىتىپ وتىرعان قازاق ەلىنە, ونىڭ ىشىندە ۇلتتىق فەدەراتسيا باسشىلارىنا ءوز ريزاشىلىعىن ءبىلدىردى. ارتىنشا جانبولات سارسەنوۆ پەن ءاىۆا اتقارۋشى ديرەكتورى حو كيم اراسىندا الەم چەمپيوناتىنا بايلانىستى بىرنەشە قۇجاتتارعا قول قويىلدى. سوعان سايكەس, قازاق تاريحىندا العاش رەت استانا قالاسىندا بوكستان الەم چەمپيوناتى وتەتىن بولىپ شەشىلدى. كەلىسىم جاسالعان سوڭ, بوكس فەدەراتسياسىنىڭ وكىلى بيىل جازدا ەلوردادا وتەتىن بوكستان پرەزيدەنت نۇرسۇلتان نازارباەۆتىڭ كۋبوگى ءۇشىن حالىقارارلىق تۋرنيردە WSB (بۇكىلالەمدىك بوكس سەرياسى) باسەكەلەرىنىڭ تانىس­­تىرىلىمى ءوتىپ, ءبىر-ەكى جەكپە-جەك ۇيىم­داستىرۋ نيەتتە ەكەندىكتەرىن ايتتى. وسى كۇنى ءاىۆا تورەشىلەرىنىڭ جۇمىسى جونىندە دە ماسەلە قارالدى. قازىر ولارعا ەرەكشە ءمان بەرىلىپ, قازىلارعا ءوز قىزمەتتەرىن ادال اتقارۋ ءۇشىن بارلىق جاعداي جاسالۋدا. جيىندا ءسوز العان ءاىۆا اتقارۋشى ديرەكتورى حو كيم مىرزا الداعى اقپان ايىنان باستاپ, كانادانىڭ تورونتو قالاسىندا ءاىۆا تورەشىلەرىنىڭ اكادەمياسى اشىلىپ, وندا ولاردىڭ بىلىكتىلىگى جەتىلدىرىلەتىندىگىن ايتىپ ءوتتى. حو كيم: “مۇندا ءاىۆا ساناتىن الۋعا نيەتتەنگەن تورەشىلەردە ءۇش ايلىق دايىندىق كۋرسىنان وتكەننەن كەيىن,سىناق تاپسىرۋ ارقىلى ءاىۆا ساناتىنداعى تورەشى اتانۋىنا تولىق مۇمكىندىك بار. جانە دە ءبىز ادىلقازىلار القاسى كيىمدەرىنىڭ بارلىعىن جاڭا ۇلگىگە كوشىرەتىن بولدىق”, دەدى. تاعى ءبىر ايتا كەتەتىن جاڭالىق, ءاىۆا القاسىنىڭ شەشىمى بويىنشا اۋەسقوي بوكس باسەكە­لەرىنىڭ ءبىر سالماق دارەجەسى قىسقاراتىن بولادى. اتاپ ايتقاندا, ەندى ەرلەر اراسىنداعى سالماق دارەجەسى 49 كيلودان باستالادى. 52 كيلو سول كۇيىندە قالىپ, 54 كيلو مەن 57 كيلو بىرىكتىرىلىپ, 56 كيلو سالماق دارەجەسى بولىپ بەكىتىلدى. ارى قاراي سالماق دارەجەلەرى سول كۇيىندە قالادى. سوندا ەرلەر اراسىن­داعى سالماق دارەجەلەرىنىڭ سانى 10, ال ايەلدەر اراسىنداعى ءۇش سالماقتى قوسقاندا, وليمپيا ويىندارىندا 13 سالماق دارەجەسى بويىنشا جەڭىمپاز بەن جۇلدەگەرلەر انىقتالاتىن بولادى. جينالعاندار جاڭا سالماق دارەجەلەرى كوڭىلدەن شىعاتىندىعىن, وعان بوكسشىلاردىڭ تەز بەيىمدەلىپ كەتەتىندىگىن ءبىراۋىزدان ماقۇلدادى. ايەلدەر بوكسى دەمەكشى, ماجىلىستە ولاردىڭ دا الداعى الەم چەمپيوناتى جونىندە ءسوز بولدى. بيىلعى 11-17 قىركۇيەكتە باربادوستا دۇنيەجۇزىلىك باسەكە وتپەكشى. وسىعان بايلانىستى جيىندا ايەلدەر بوكسىنىڭ سوناۋ 1920 جىلى بولعاندىعىن راستايتىن ۇلىبريتانيا مۇراعاتىنان الىنعان ارنايى بەينە­تاسپا كورسەتىلدى. وندا ولار ەتەك-جەڭى كەڭ كويلەك پەن قولدارىنا بوكس قولعابىن كيىپ تورەشىسىز جۇدىرىق­تاسقان ەكەن. جيىندا بۇل سول كەزدەگى كورەر­مەنىڭ قىزىعۋشىلىعىن ارتتىرۋ ءۇشىن جاسالعان شارا ەكەن­دىگى ايتىلدى. وسىدان كەيىن ماجىلىستە بار­بادوس­تىڭ ايەلدەر الەم چەمپيوناتىنا دايىن­دىعى ءاىۆا كو­ميس­سياسىنىڭ كوڭىلىنەن شىقپايتىن­دىعى ەسكەر­تىلدى. ەگەر دە جاقىن ۋاقىتتا جاعداي وزگەرمەسە وندا بۇل شارا باسقا جەرگە اۋىستىرىلاتىن بولىپ كەلىسىلدى. بۇدان كەيىن بيىلعى جاستار اراسىنداعى الەم چەمپيوناتىنا دايىندىق بارىسى قارالدى. سين­گاپۋردا وتەتىن جاسوسپىرىمدەر اراسىنداعى وليم­پيا ويىندارىنا ليتسەنزيالىق الەم چەمپيوناتى فران­تسيانىڭ نيتستسا قالاسىندا وتۋگە ءتيىس بولاتىن. بىراق قازىرگى قارجىلىق داعدارىستى جەلەۋ ەتكەن فران­تسۋزدار ونى وتكىزۋدەن باس تارتىپتى. بىلتىرعى جەلتوقساندا ءاىۆا پرەزيدەنتىنىڭ كۋبوگى جولىنداعى حالىقارالىق ءتۋرنيردى وتكىزىپ, كوزگە تۇسكەن ازىربايجاندىقتار وسى ءساتتى ۇتىمدى پاي­دالانىپ, ءوز كانديداتۋراسىن ۇسىنىپ قويىپتى. ەندى الەم چەمپيوناتى 22 ءcاۋىر مەن 2 مامىر ارالىعىندا باكۋدە وتەتىن بولدى. جۇلدەگە ىلىنگەن ورەندەردىڭ بارلىعى سينگاپۋرگە بارادى. تەلجان كۇدەروۆ, ارنايى “ەگەمەن قازاقستان” ءۇشىن – سيامياننان (قحر). “استانانىڭ”  ۆەناداعى تۇساۋكەسەرى وتكەن سەنبىدە ۆەنادا الەمگە تانىمال “استانا” ۆەلوشاباندوزدار كومان­داسىنىڭ رەسمي تۇساۋ­كەسەرى بولدى. 2010 جىلعى ماۋسىمعا كوماندا “تۋر دە فرانس” جارىسىنىڭ جەڭىمپازى البەرتو كونتادوردىڭ كوشباسشىلىعىمەن ەنىپ وتىر. قازاقستان دەمەۋشىسى بولىپ تابى­لاتىن كوماندانىڭ قۇرامىندا كونتادورمەن قاتار قازاقستاننىڭ كاسىپقوي ۆەلوشاباندوزى الەك­ساندر ۆينوكۋروۆ, سونداي-اق فران­تسياداعى جارىستا جەڭىسكە جەتكەن يسپاندىق وسكار پەرەيرو, باسقا دا بەلگىلى سپورتشىلار بار. قازاقستاننىڭ ەقىۇ-عا ءتور­اعالىعىنا بايلانىستى كوماندا­نىڭ تۇساۋكەسەرى ونىڭ بارلىق مۇشەلەرىنىڭ قاتىسۋىمەن ۆەنا­داعى ۇيىمنىڭ شتاب-پاتەرىندە ءوتتى. تۇساۋكەسەرگە “سامۇرىق-قازىنا” ۇلتتىق ءال-اۋقات قورى باسقارماسىنىڭ توراعاسى قايرات كەلىمبەتوۆ باستاعان قازاقستاندىق دەلەگاتسيا كەلدى. ەندىگى جەردە “استانا” كومانداسىنىڭ باس دەمەۋ­شىسى “سامۇرىق-قازىنا” بول­عاندىقتان قوردىڭ سيمۆولي­كا­سى كوماندا فورماسىندا بەينە­لەنگەن. تۇساۋكەسەرگە جۇزدەگەن ادامدار – جانكۇيەرلەر, حالىقارالىق باق وكىلدەرى, ەقىۇ قىزمەت­كەرلەرى, ديپلوماتيالىق كورپۋس مۇشەلەرى جينالدى. شارانىڭ سوڭىندا ء“ىنجۋ” ۇلت-اسپاپتار انسام­بلىنىڭ كونتسەرتى بولدى. تالعات جۇماعۇلوۆ, ەگەمەن قازاقستان” – ۆەنادان.