ءبىلىم كورمەسى

جۋىردا ءبىلىم جانە عىلىم مينيسترلىگىنە قاراستى «حالىق­ارا­لىق باعدارلامالار ورتالىعى» اق قولداۋىمەن استانادا حالىق­ارالىق ءبىلىم كورمەسى ءوتتى. كورمەنىڭ نەگىزگى ماقساتىنا كەلەر بولساق, عىلىم, ءبىلىم جانە يننوۆاتسيالىق تەحنولوگيا سالا­سىن­داعى الەمدىك جەتەكشى, سونى­مەن قاتار ءوز وتانىمىزداعى ءبىلىم مەكەمەلەرى اراسىنداعى ىسكەرلىك قارىم-قاتىناستى نىعايتۋعا با­عىتتالعان. شەتەلدىك جوعارى وقۋ ورنىنا تۇسۋگە ارنالعان ازىرلىك كۋرستارى باعدارلامالارى بوي­ىنشا تىلدىك كۋرستار وتكىزۋ, كاسىبي بىلىكتىلىكتى ارتتىرۋ, سەمينارلار, ترەنينگتەر مامانداردى قايتا دايار­لاۋ بويىنشا جوعارى وقۋ ور­ىندارىندا وقۋ مۇمكىندىكتەرى جاي­­لى اقپاراتتارمەن تانىستىرۋ دا نەگىزگە الىنعان. وركەنيەتتى ەلدەرمەن مەم­لە­كەتىمىزدىڭ بايلانىسىنا كەلەتىن بولساق, بۇل ىستەردە ۇلكەن ىلگەرىلەۋشىلىكتەر بار ەكەنى جۇرتقا ءمالىم. اسىرەسە, ۇلىبريتانيا, اقش, يرلانديا, مالايزيا, گەرمانيا, فرانتسيا, كانادا, تۇركيا, شۆەيتساريا, يسپانيا, رەسەي مەملەكەتتەرىمەن ستۋدەنتتەر الماسۋ جاقسى جولعا قويىلعان. ال مۇنداي كورمە «Stydylnn» مەن «A2 International Education Faris» ءبىلىم ورتالىقتارىنىڭ بىرىگۋىمەن جىل سايىن ءوتىپ وتى­را­تى­نىن دا ايتا كەتسەك دەيمىز. ءما­سە­لەن, وتكەن جىلى كورمەگە 10 ەلدەن 50-گە جۋىق ءبىلىم مەكەمەلەرى قا­تىس­سا, بيىل 12 ەلدەن 70-كە جۋىق جوو اتسالىسقان. بۇل دەگە­نىڭىز, شەتەلدىك جەتەكشى ۋنيۆەرسيتەتتەرمەن ەلىمىزدىڭ وزىق ۋنيۆەرسيتەتتەرى ستۋ­دەنتتەر مەن مەكتەپ وقۋشىلا­رىنىڭ قىزىعۋشى­لى­عىن جىلدان-جىلعا ارتتىرۋعا تالپىنىپ وتىر­عانىن كورسەتەدى. بيىلعى كورمەنىڭ باستى ەرەكشەلىگى, ءبىلىم سالاسىنىڭ جەتەكشى ماماندارىن ناقتى ۇسى­نىستار مەن شەتەلدىك وقۋ ورىن­دارىنا ءتۇسۋدىڭ ءمان-جايى تۋرالى سەمينار وتكىزۋ بولدى. سۇلەيمەن مامەت.