ەلىمىزدە ەت باعاسىن تۇراقتاندىرۋدى ويلاسايىق

قازىرگى تاڭدا ەلىمىزدە اۋىل شارۋا­شى­­لىعىن دامىتۋعا كوپ كوڭىل ءبولىنىپ جاتقاندىعى بارىمىزگە بەلگىلى. حالقى­مىز­دىڭ اتا كاسىبى – مال شارۋا­شى­لى­عى­نىڭ ەل ەكونوميكاسىنداعى الار ورنى ەرەك­شە. اۋىل ەكونوميكاسىنىڭ, ياعني اۋىلداعى حالىقتىڭ تۇرمىس جاع­دايى­نىڭ دەڭگەيى نەگىزىنەن وسى سالانىڭ دا­مۋىمەن تىكەلەي بايلانىستى ەكەنى بارشامىزعا ءمالىم. سوندىقتان دا مال شارۋاشىلىعىنداعى احۋالدى جاقسارتۋ, ونىڭ جوعارى دەڭگەيدە دامۋىنا قاجەتتى جاعدايلاردى تۋعىزۋ بۇگىنگى تاڭداعى ءۇل­كەن ماقساتتاردىڭ ءبىرى بولىپ تابىلادى. ونى شەشۋ جولىندا كوپتەگەن اۋقىمدى شارا بەلگiلەنگەن. Iرi قارا ەتiن وندiرۋگە ارنالعان مال بورداقىلاۋ الاڭدارى, جەمشوپ ءوندiرۋ تسەحتارى, مال سويۋ, ەت وڭدەۋ كاسiپورىندارىن سالۋ جۇمىستارى قولعا الىنۋدا. جانە دە بۇل ماسەلە 2020 جىلعا دەيىنگى دامۋ ستراتەگيالىق باع­دار­لاماسىنىڭ ەڭ ماڭىزدى مىندەت­تەرى­نىڭ ءبىرى بولىپ وتىر. اۋىل شارۋاشىلىعى مينيسترلىگى اتال­عان باعدارلامانىڭ نەگىزىندە رەس­پۋبليكامىزدىڭ وڭىرلەرىندەگى بارلىق مال شارۋاشىلىعىمەن اينالىساتىن كا­سىپ­كەرلەرمەن تىعىز جۇمىس ىستەۋدە. قا­زىرگى تاڭدا وسى اتالعان ماسەلەنى دامىتۋ ماقساتىندا مەملەكەت تاراپىنان قىرۋار قارجى بولىنۋدە. سونىمەن بىرگە, قازىرگى تاڭدا ەلىمىزدە ەت باعاسى شارىقتاپ بارادى, مۇنىڭ ءبىر سەبەبى شەت ەلدەردەن اكەلىنگەن ەت باعا­سىنىڭ جوعارى بولۋىمەن بايلانىس­تى­رىلادى. الايدا, ەلىمىزگە يمپورتتالا­تىن ەتكە بايلانىستى جىلدا مەملەكەت تا­راپىنان كۆوتا بولىنەدى. بۇل كۆوتانى بولۋمەن ەلىمىزدىڭ ەكونوميكالىق دامۋ جانە ساۋدا مينيسترلىگى اينالىسادى. اتالعان مينيسترلىكتىڭ بولگەن كۆو­تاسى كوبىنە ترەيدەرلىك كومپانيالاردىڭ جەتەگىندە كەتىپ, ەلىمىزدىڭ باستى ەت وڭدەۋشى كاسىپورىندارى كۆوتاسىز قالىپ جاتادى نەمەسە وسى اراداعى ترەيدەرلىك كومپانيالاردان بولىنگەن كۆوتانى ۇستەمە باعامەن ساتىپ الۋعا ءماجبۇر بو­لادى. ناتيجەسىندە, ەلىمىزدىڭ ەت وڭدەۋشى كاسىپورىندارىنا ىشكى رىنوكتاعى ەت باعاسىن كوتەرۋگە تۋرا كەلەدى. بۇدان زارداپ شەگەتىن تاعى دا قاراپايىم حالىق. وسى جەردە تۋىندايتىن ءبىر سۇراق, ەلىمىزدەگى ەت وڭدەۋشى كاسىپورىندار تىكەلەي اۋىل شارۋاشىلىعى مينيسترلىگىمەن قارىم-قاتىناستا, بىراق, وسىعان  قاراماستان, ەتكە كۆوتانى باسقا مينيسترلىك بولۋدە. مەنىڭشە, وسى اتالعان كۆو­تانى اۋىل شارۋاشىلىعى مينيستر­لىگىنىڭ قۇزىرىنا بەرۋ وتە ءتيىمدى بولار ەدى. اراداعى كوپتەگەن ترەيدەرلىك كومپانيالاردان ارىلار ەدىك, ناتيجەسىندە,  ەلىمىزدەگى ەت باعاسى ءبىرشاما تۇراقتانار ەدى. ەرزات الزاقوۆ, ءماجىلىس دەپۋتاتى.