ۇكىمەتتىك ەمەس ۇيىمدار بەلسەندىلىگى

دەنساۋلىق ساقتاۋ مينيسترلىگى مەديتسينالىق جانە فارماتسەۆ­تي­كالىق قىزمەتتى باقىلاۋ كوميتەتى توراعاسىنىڭ ورىنباسارى د.ەسى­موۆتىڭ توراعالىعىمەن جۇمىس­شى كەڭەسى ءوتتى. كەڭەس جۇمىسىنا ۇكىمەتتىك ەمەس ۇيىمدار, كومي­تەت­تىڭ اۋماقتىق بولىمشەلەرىنىڭ قىز­مەتكەرلەرى قاتىستى. جيىندى وتكىزۋدەگى ماقسات, ۇكى­مەتتىك ەمەس ۇيىمدارمەن بىرگە دەنساۋلىق ساقتاۋ سالاسىندا بىلىكتىلىك ەمتيحاندارىن وتكىزۋدى ءجۇ­­­زەگە اسىرۋ تەتىگىن تالقىلاۋ ەدى. اعىمداعى جىلى قازاقستان رەسپۋبليكاسىنىڭ دەنساۋلىق ساق­­تاۋ سالاسىن دامىتۋدىڭ 2011-2015 جىلدارعا ارنالعان «سالا­مات­تى قازاقستان» مەملەكەتتىك باع­دارلاماسىن ىسكە اسىرۋ بارى­سىندا ازاماتتىق قوعامداستىق پەن ۇكىمەتتىك ەمەس ۇيىمداردى تارتۋ قاراستىرىلعان. بۇل جوبا, ەڭ ال­دى­مەن, مەديتسينا قىزمەت­كەر­لە­رى­نىڭ, اتاپ ايتقاندا كاسىپتىك ورتا­داعى بىلىكتىلىك دەڭگەيىن انىق­تاۋعا باعىتتالعان. بۇل مامان­دار­دىڭ تەوريالىق جانە پراكتيكالىق داعدىلارىن جاقسى مەڭگەرۋىنە ىقپال ەتەدى. كەڭەستە كوميتەتتىڭ, ونىڭ اۋ­ماقتىق بولىمشەلەرى مەن الەۋ­مەت­تىك تاپسىرىس شەڭبەرىندە اتالعان قىزمەتتەردى مەملەكەتتىك ساتىپ الۋ جونىندەگى كونكۋرستىڭ جەڭىم­پازدارى بولىپ تانىلعان 4 ۇكى­مەتتىك ەمەس ۇيىمنىڭ («ۇلت­­تىق مەديتسينالىق قاۋىمداستىق» رقب, «استانا قالاسىنىڭ ءتاۋ­ەلسىز مە­ديتسينالىق ساراپشىلار قاۋىم­داستىعى» قب, «جامبىل وبلىسى بويىنشا تاۋەلسىز مەدي­تسينالىق ساراپشىلار قاۋىم­داس­تىعى» قب, «الماتى قالاسى بوي­ىنشا ءتاۋ­ەلسىز مەديتسينالىق سا­راپ­شىلار قاۋىمداستىعى» قب) ءوزارا ءىس-ارەكەت ەتۋ ماسەلەلەرى, سونداي-اق اكىمشىلىك كەدەرگىلەردى تومەن­دە­تۋگە, باقىلاۋ-رۇقسات بەرۋ فۋنك­تسيا­لارىن قىسقارتۋعا باي­لا­نىس­تى باسقا دا ماسەلەلەر تالقى­لاندى. «ەگەمەن-اقپارات».