كەزدەسۋ بارىسىندا ءماجىلىس توراعاسى قازاقستان مەن رەسەيدىڭ ديپلوماتيالىق قارىم-قاتىناستارىنىڭ ورناعانىنا 25 جىل تولۋىنا وراي, قوس ەل ارىپتەستىگىنىڭ ءوزارا ءىس-قيمىلى تمد كەڭىستىگىندەگى ينتەگراتسيالىق دامۋدىڭ ماڭىزدى بولىگىنە اينالعانىن اتاپ ءوتتى.
ن.نىعماتۋلين ەكى ەلدىڭ كوشباسشىلارى نۇرسۇلتان نازارباەۆ پەن ۆلاديمير ءپۋتيننىڭ ءوزارا تۇسىنىستىك پەن دوستىققا نەگىزدەلگەن ءتيىمدى بىرلەسكەن جۇمىسىنىڭ ناتيجەسىندە ءتۇرلى سالالار بويىنشا ەكى جاقتى ىنتىماقتاستىقتىڭ جوعارى ناتيجەلەرىنە قول جەتكىزىلگەنىن ايتتى. سونىمەن قوسا, ايماقتىق جاھاندىق قاۋىپسىزدىك ماسەلەلەرىنە, بۇۇ قاۋىپسىزدىك كەڭەسىندە, ۇقشۇ, شىۇ, اوسشك-دە ەكى ەلدىڭ بىرلەسكەن جۇمىسىنا ەرەكشە نازار اۋدارىلدى.
تاراپتار ەكى ەلدىڭ پارلامەنتشىلەرى اراسىنداعى بايلانىستاردى نىعايتۋعا شاقىردى.
سونىمەن بىرگە م.بوچارنيكوۆ قازاقستاننىڭ حالىقارالىق ارەناداعى جەتىستىكتەرىنە توقتالا وتىرىپ, پارلامەنتارالىق قارىم-قاتىناستى نىعايتۋ ەكى جاقتى ىقپالداستىقتىڭ ماڭىزدى قۇرامداس بولىگى ەكەنىن اتاپ ءوتتى.
