لاتىن ءالىپبيى – عىلىم مەن تەحنيكانىڭ, عالامتور مەن جاڭا تەحنولوگيالار ءتىلى. لاتىن الىپبيىنە كوشۋ بۇگىنگى ءجۇرىسى جىلدام زامان تالابى. كەزىندە جاپپاي كومپيۋتەرلەندىرۋ ءۇردىسىن دە اعا بۋىن – ءبىز, ءبىر قورقىنىشپەن, جىلدام يگەرىپ كەتە المايمىز با دەگەن سەنىمسىزدىكپەن قابىل العان بولاتىنبىز. ال قازىر كومپيۋتەر ءتىلىن پايدالانۋشى دەڭگەيىندە بىلمەيتىن ادام جوق شىعار. سوندىقتان لاتىن ءالىپبيىن دە تەز يگەرىپ كەتەمىز دەپ ويلايمىن. لاتىن ءالىپبيىنىڭ بىرنەشە نۇسقالارى ۇسىنىلىپ, ەڭ ءتيىمدىسى, حالىققا يگەرىپ كەتۋگە ىڭعايلىسى قابىلدانباق.
الدىڭعى 25 ارىپتەن تۇراتىن, قازاقتىڭ ءتول دىبىستارىن ديگرافتارمەن بەرگەن نۇسقاسى حالىق تاراپىنان كوپ سىنعا ۇشىرادى. سەبەبى ءتورت-اق ارىپتەن تۇراتىن ء«وزىڭ» دەگەن قازاقتىڭ ءتول دىبىستارى بار قىسقا سوزدەردى جازۋ ءۇشىن التى نەمەسە ودان دا كوپ ارىپپەن جازۋعا تۋرا كەلەر ەدى. ال كوپشىلىكتىڭ پىكىرىمەن ساناسىپ جاسالعان, 32 ارىپتەن تۇراتىن سوڭعى نۇسقاداعى لاتىن الىپبيىندە بارلىق قازاق تىلىنە ءتان دىبىستار ساقتالىپ وتىر. وسى نۇسقا قولدانىسقا ەنسە قيىندىق تۋدىرمايدى دەپ ويلايمىن.
بايانگۇل قوجاحمەتوۆا,
س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى قازاق ءتىلى مەن جۋرناليستيكا كافەدراسىنىڭ اعا وقىتۋشىسى
