سپيكەردىڭ سوزىنشە مينيسترلىك دارىلىك زاتتاردى پايدالانۋ سالاسىن قالىپتاستىرۋ بويىنشا ءارتۇرلى شارالاردى قابىلداۋدا.
«بيىلعى جىلدىڭ 3 اقپانىندا ۇكىمەتتىڭ كەڭەيتىلگەن وتىرىسىندا جانە 4 قىركۇيەكتە پارلامەنت پالاتاسىنىڭ بىرلەسكەن وتىرىسىندا تالقىلانعان بيۋدجەت قاراجاتىن جۇمساۋ تيىمدىلىگىنە, ونىڭ ىشىندە دارىلىك زاتتار مەن مەديتسينالىق تەxنيكامەن قامتاماسىز ەتۋ بارىسىنا, سونداي-اق وتاندىق فارماتسەۆتيكالىق نارىقتى دامىتۋدا تۋىنداعان كەدەرگىلەرگە تالداۋ جۇرگىزۋ قاجەتتىلىگى جايىندا ماسەلەلەر كوتەرىلدى. وسى باعىتتا مينيسترلىك بىرقاتار جۇمىستار اتقاردى», دەپ اتاپ ءوتتى دەنساۋلىق ساقتاۋ مينيسترلىگى فارماتسيا كوميتەتىنىڭ ءتورايىمى ليۋدميلا بيۋرابەكوۆا.
ونىڭ ايتۋىنشا, مينيسترلىك دارىلىك زاتتاردى پايدالانۋ اياسىندا جۇزەگە اسىرىپ وتىرعان شارالاردى ءتورت نەگىزگى باعىتقا بولۋگە بولادى.
«اتاپ ايتساق, ەكونوميكالىق قولجەتىمدىلىكتى قامتاماسىز ەتۋ – بۇل دەگەنىمىز مەملەكەتتىڭ تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ساتىپ الاتىن دارىلىك زاتتاردىڭ باعاسىن رەتتەۋدىڭ قولدانىستاعى جۇيەسىن جاقسارتۋ, مەملەكەت ساتىپ الاتىن دارىلىك زاتتاردىڭ ءتىزىمىن قالىپتاستىرۋدا اشىقتىقتى قامتاماسىز ەتۋ – مەديتسينالىق تەxنولوگيانى باعالاۋدىڭ xالىقارالىق مەxانيزمدەرىن ەنگىزۋ, مەديتسينالىق تەxنيكانى جانە دارىلىك زاتتاردى ساتىپ الۋدىڭ اشىق ءراسىمىن قامتاماسىز ەتۋ - امبۋلاتورلىق دەڭگەيدە تەگىن دارىلىك زاتتاردى قامتاماسىز ەتۋدى ورتالىقتاندىرۋ جانە ەلەكتروندى ساتىپ الۋعا كوشۋ, مەديتسينالىق ونىمدەر مەن دارىلىك زاتتاردى تىركەۋ ءراسىمىن جەڭىلدەتۋ», دەدى سپيكەر.
سونىمەن قاتار دەنساۋلىق ساقتاۋ مينيسترلىگى فارماتسيا كوميتەتىنىڭ ءتورايىمى ليۋدميلا بيۋرابەكوۆا بىرىڭعاي ديستريبيۋتور جۇمىسىنىڭ سوڭعى ءۇش جىلدىق قورىتىندىسى بويىنشا, ساتىپ الۋ قۇرىلىمىندا وتاندىق جانە شەتەلدىك وندىرۋشىلەرمەن, ونىڭ ىشىندە بۇۇبق-مەن تىكەلەي كەلىسىمدەردىڭ ۇلەسى ارتقانىن اتاپ ءوتتى.
راۋان قايدار,
«ەگەمەن قازاقستان».
