«وبلىس اكىمى الداعى جازعى ماۋسىمعا دەيىن كولىك قاتىناسىنا قاتىستى ماسەلەسى تۇبەگەيلى شەشۋدى تاپسىردى. ناتيجەسىندە اۆتوكولىك جولدارى جوندەلەدى, وسكەمەن-شار-جالاڭاشكول ستانساسى باعىتىندا تەمىرجول باعدارى ىسكە قوسىلادى» دەپ حابارلايدى وبلىس اكىمىنىڭ ءباسپاسوز قىزمەتى.
«تۋريستىك كلاستەر شوعىرلانعان الاكول مەن بۇقتىرما سۋ قويماسىن دامىتۋعا ارنالعان كەشەندى باعدارلاما جاسالۋى كەرەك. جانە اتالعان ەكى ايماقتا جەر ساتۋدى توقتاتۋ قاجەت», - دەدى دانيال احمەتوۆ.
وبلىستىق ءماسليحات سەسسياسىندا ايماق باسشىسى ءوڭىر اۋماعىنداعى كەيبىر سۋ قويمالارىنىڭ ەمدىك قاسيەتىن زەرتتەۋ قاجەتتىگىن دە العا تارتتى. ساراپشىلاردىڭ الدىن-الا جاساعان مالىمەتىنە جۇگىنسەك, سۋدىڭ ەرەكشە قۇرامىنىڭ ارقاسىندا ولاردىڭ 60 پايىزعا جۋىعى ەمدىك قاسيەتكە يە كورىنەدى.
ازامات قاسىم,
«ەگەمەن قازاقستان»
وسكەمەن
