ونى سەۋل ۇلتتىق ۋنيۆەرسيتەتى گوسپيتالىنىڭ حالىقارالىق دەنساۋلىق ساقتاۋ ورتالىعىنىڭ اتقارۋشى ديرەكتورى كۆانگ ۆۋنگ لي جانە اعزالاردى ترانسپلانتتاۋ ورتالىعىنىڭ دوتسەنتى كۋينگ چۋل يون جاساۋدا. وسىلايشا ءبىزدىڭ دارىگەرلەرگە قان توپتارى ۇيلەسپەيتىن كەزدە ءتىرى تۋىس دونوردان باۋىر ترانسپلانتتاۋ تەحنولوگيالارىن مەڭگەرۋدى ۇيرەتپەك.
ۇلتتىق ونكولوگيا جانە ترانسپلانتولوگيا عىلىمي ورتالىعىنىڭ حيرۋگيا بويىنشا باس كەڭەسشىسى توقان سۇلتاناليەۆتىڭ ايتۋىنشا, قازىر وتا جاسالىپ جاتقان ناۋقاس باۋىر تسيرروزىنا شالدىققان 55-56 جاستاعى ادام. ونىڭ قان توبى ءبىرىنشى توپقا جاتاتىن بولسا, دونوردىڭ قان توبى ەكىنشى توپقا سايكەس كەلەدى. جالپى الەمدىك تاجىربيەدە مۇنداي وتا جەتى جىلدان بەرى جاسالىپ كەلەدى ەكەن.
سەۋل ۇلتتىق ۋنيۆەرسيتەتى گوسپيتالىنىڭ حالىقارالىق دەنساۋلىق ساقتاۋ ورتالىعىنىڭ اتقارۋشى ديرەكتورى كۆانگ ۆۋنگ لي:
«وسى وتانى جاساۋ ءۇشىن 2,5 جىلدان بەرى كەلىسسوزدەر جۇرگىزىلدى. ناتيجەسىندە بۇگىن ارنايى شاقىرتۋمەن قازاقستانعا كەلىپ, شەبەرلىك سىنىپ كورسەتىپ جاتىرمىز. قازاقستان جوعارى مەديتسينالىق قىزمەت كورسەتۋ جاعىنان حالىقارالىق تالارتارعا ساي. زاماناۋي قۇرال-جابدىقتارمەن قامتاماسىز ەتىلگەن. الداعى ۋاقىتتا مۇنداي كۇردەلى وتالاردى وتاندىق ماماندار دا جاساي الاتىن بولادى», — دەدى ول.
ءمايىت دونورلىعى دامىماعان قازاقستان ءۇشىن مۇنداي تەحنولوگيالاردى مەڭگەرۋ اسا ماڭىزدى. ايتا كەتەيىك, ەلىمىزدە 2,5 مىڭنان استام ادام باۋىر الماستىرۋعا , 3 مىڭنان استام ناۋقاس بۇيرەك اۋىستىرۋعا كەزەكتە تۇر.
