– بۇگىن ماتچتا ەكى كوماندا تاراپىنان كوپتەگەن قاتەلىك كەتتى. ەكىنشى كەزەڭدە مەنىڭ كوماندام شارشاڭقىراپ قالدى. سول سەبەپتى دە ويىنشىلاردى اۋىستىرۋعا تۋرا كەلدى. ونىڭ ۇستىنە جانكۇيەرلەرىڭىزدىڭ قولداۋى فۋتبولشىلارىڭىزعا قوسىمشا كۇش-قۋات بەرىپ, بىزگە كوبىرەك پروبلەما تۋعىزدى. ەگەر دە سوڭعى سەكۋندتا گول سوققانىمىزدا, ءبىز جەڭىسكە جەتەر ەدىك. ايتكەنمەن, قازاقستاندىقتار جەڭىلىسكە لايىق ەمەس ەدى. تەڭ ويىنعا قوس كوماندا دا قاناعات تۇتۋى كەرەك.
– «ە» توبىندا ارمەنيا مەن قازاقستان تيىسىنشە بەسىنشى-التىنشى ورىنداردى ءبولىستى. قوس قۇراما وسىنداي ورىنعا لايىق پا؟
– ستاتيستيكا دۇرىس ايتادى. ازىرگە ءبىز وسى ورىنعا لايىقپىز.
– بۇل ماتچتا ارمەنيا قۇراماسى بار كۇش-جىگەرلەرىن كورسەتە الدى ما؟
– ەگەر دە الداعى ۋاقىتتا وسىلاي ونەر كورسەتە بەرەتىن بولساق, وندا كەلەسى ىرىكتەۋ تۋرنيرىنە قاتىسپاي-اق قويساق تا بولادى. سەبەبى, 80 پايىز ويىنشىمىز قۇرامادا بۇرىننان بەرى ونەر كورسەتىپ كەلەدى. بىزگە جاڭا تولقىن كەرەك. ايتپەسە بارلىعى بەكەر.
– ەرەۆاندا ونەر كورسەتكەن قازاقستان مەن بۇگىنگى قۇرامانىڭ دەڭگەيىن سالىستىرۋعا كەلە مە؟
– ماعان بۇگىنگى كوماندالارىڭىز ۇنادى.
ەستەرىڭىزگە سالا كەتەيىك, قازاقستان قۇراماسى فۋتبولدان 2018 جىلعى الەم چەمپيوناتىنا ىرىكتەۋ كەزەڭى اياسىندا ارمەنيانى قۇراماسىن قابىلداپ, 1:1 ەسەبىمەن تەڭ ءتۇستى.
الماس ماناپ,
"ەگەمەن قازاقستان"
