قازاقستان رەسپۋبليكاسىنىڭ سىرتقى ىستەر مينيسترلىگى قىرعىزستان باق-تارىندا تاراتىلعان 2017 جىلعى 7 قازانداعى قىرعىز رەسپۋبليكاسىنىڭ پرەزيدەنتى ا.اتامباەۆتىڭ قازاقستان رەسپۋبليكاسىنىڭ باسشىلىعىنا قاتىستى سوزدەرىنە بايلانىستى قاتاڭ نارازىلىق ءبىلدىردى جانە مۇنداي سوزدەرگە ەكى دوستاس مەملەكەتتەر اراسىنداعى قاتىناستاردا جول بەرىلمەۋى ءتيىس دەپ سانايتىنىن اتاپ كورسەتتى.
«قىرعىزستان پرەزيدەنتىنىڭ سايلاۋالدى ماقساتىنداعى جاۋاپسىز, ارانداتۋشىلىق ءماندى جانە جالعان پىكىرى ەلدەرىمىز اراسىنداعى دوستىق پەن ءوزارا كومەكتىڭ كوپ عاسىرلى بايلانىستارىنا نۇقسان كەلتىرە المايتىنىنا سەنىم بىلدىرەمىز. قازاقستان تاراپى قىرعىز حالقىمەن ءداستۇرلى باۋىرلاستىق قاتىناستارىن دامىتۋ جولىنا بەرىك بولىپ قالا بەرەدى», دەلىنگەن قازاقستان رەسپۋبليكاسى سىرتقى ىستەر مينيسترلىگىنىڭ مالىمدەمەسىندە.
