ويىننىڭ 60-مينۋتىندا قوناقتاردىڭ 20 ءنومىرلى ويىنشىسى سيمونيان سوققى جاساپ ۇلگەردى. ارتىنشا قارىمتا شابۋىلعا كوشكەن قازاقستاندىقتار ەسەپتى تەڭەستىرىپ كەتتى.
ويىننىڭ 61-مينۋتىندا سول قاپتالدان رومان مۇرتازاەۆتىڭ اۋەلەتە بەرگەن ادەمى پاسىن باۋىرجان تۇرىسبەك قاقپاعا ءدال باعىتتاپ, ەسەپتى تەڭەستىردى. بۇل باۋىرجاننىڭ قۇراما ساپىندا سوققان ەكىنشى گولى. العاشقى گولدى وسىدان ءۇش كۇن بۇرىن رۋمىنيا قۇراماسىنا سوققان ەدى.
ويىننىڭ 75-مينۋتىندا محيتارياننىڭ جاساعان قاۋىپتى سوققىسى ابىروي بولعاندا قاقپامىزدان بيىك كەتتى. ويىننىڭ 90-مينۋتىندا وڭ قاپتالدان سيمونيان تەپكەن دوپتى لوگۆينەنكو باسپەن قايتارىپ, قۇرامانى جەڭىلىستەن امان الىپ قالدى. قالعان ۋاقىتتا كىشىگىرىم شابۋىلدار ورىن العانىمەن, قوس قاقپاشى دا اناۋ ايتقانداي كوپ تەرلەي قويمادى.
وسىلايشا قوس قۇراما 1:1 ەسەبىمەن تەڭ تارقاستى.
الماس ماناپ,
"ەگەمەن قازاقستان"
