نۇرسۇلتان نازارباەۆ «نۇر اقتوبە» القابىندا نەسيەگە بەرىلەتىن ءارى جىلدام سالىناتىن ءبىر قاباتتى جانە ەكى قاباتتى تۇرعىن-ءۇي قۇرىلىسىنىڭ بارىسىمەن تانىستى.
قازاقستان پرەزيدەنتى ەلىمىزدىڭ تۇرعىندارى ءۇشىن «نۇرلى جەر» باعدارلاماسىن ىسكە اسىرۋدىڭ ماڭىزدى ەكەنىن ەرەكشە اتاپ ءوتتى.
– حالىقتىڭ ءال-اۋقاتىن ارتتىرۋدا بۇل باعدارلامانىڭ ماڭىزى زور. ءبىزدىڭ باستى ماقساتىمىز – ازاماتتاردىڭ جايلى تۇرمىسى ءۇشىن قاجەتتى ينفراقۇرىلىم قالىپتاستىرىپ, ولاردى جۇمىسپەن قامتاماسىز ەتۋ, – دەدى نۇرسۇلتان نازارباەۆ.
وبلىس اكىمى بەردىبەك ساپارباەۆ مەملەكەت باسشىسىنا «نۇرلى جول» جانە «نۇرلى جەر» مەملەكەتتىك باعدارلامالارىنىڭ ىسكە اسىرىلۋ بارىسى جونىندە باياندادى. بيىل وبلىستاعى 1000-نان استام وتباسىن تۇرعىن-ۇيمەن قامتاماسىز ەتۋ جوسپارلانىپ وتىر.
سوڭىندا ەلباسى اتالعان جوبانى ىسكە اسىرۋعا اتسالىسىپ جاتقان قۇرىلىس كومپانيالارىنىڭ وكىلدەرىمەن اڭگىمەلەستى.
