الەكسەي لۋتسەنكو جارىس جولىن 3 ساعات 49 مينۋت جانە 52 سەكۋندتا اياقتادى. مارە سىزىعىن ەكىنشى بولىپ فرانتسيالىق ۆەلوشاباندوز رەمي دي گريگوري كەسسە, ۇزدىك ۇشتىكتى يراندىق ميرساماد پۋرسەديگولاxار تۇيىندەدى.
«جەڭىسكە جەتكەنىمىز ءۇشىن قۋانىشتىمىز. كوماندامىز بىرلەسە وتىرىپ, ۇلكەن جۇمىس اتقاردى. مارەگە دەيىن بىرنەشە اينالىم قالعاندا, كوماندامنىڭ ارقاسىندا باسىمدىق تانىتىپ, العا وزدىم. ولارعا دەگەن زور العىسىمدى بىلدىرەمىن. جاقسى ناتيجەگە قول جەتكىزدىك. دەگەنمەن, ەرتەڭگى كەزەڭ دە وڭاي ەمەستىگىن قاپەردە ۇستاۋىمىز كەرەك. جەڭىسكە جەتۋ ءۇشىن قولىمنان كەلگەننىڭ ءبارىن جاسايمىن», دەدى الەكسەي لۋتسەنكو.
وسى جەتىستىگىنىڭ ارقاسىندا لۋتسەنكو «ۇزدىك قازاقستاندىق شاباندوز» جانە «جالپى كلاسسيفيكاتسيا جەڭىمپازى» اتاعىنا يە بولدى. ونىمەن بىرگە, «تاۋ كاسىبي كلاسسيفيكاتسياسىنىڭ جەڭىمپازى» قازاقستاندىق دانيل فومينىx اتانسا, «سپرينتەرلىك كلاسسيفيكاتسيا جەڭىمپازى» نوميناتسياسى يتاليالىق البەرتو چەچينگە بەرىلدى.
«الماتى تۋرىنىڭ» ءبىرىنشى كەزەڭى قبتۋ عيماراتىنىڭ ماڭىندا باستالدى. ۆەلوشاباندوزدار تولە بي, فۋرمانوۆ, ساتپاەۆ, بايزاقوۆ, اباي, جەلتوقسان, ءال فارابي, مومىش ۇلى جانە سايىن كوشەلەرىنەن «قالالىق اينالىم» ءوتىپ, «الماتى ارەنا» ماڭىندا مارەگە جەتتى. ولار جالپى 331,7 كم قاشىقتىقتى باعىندىردى.
ەرتەڭ, قاتىسۋشىلار ايتۋلى دودانىڭ ەكىنشى كەزەڭىن «حالىق ارەنا» عيماراتىنىڭ ماڭىندا باستاپ, «ۆواد-ءال-فارابي», تۇڭعىش پرەزيدەنت ساياباعى بويىمەن ءوتىپ, «مەدەۋ» مۇز ايدىنىندا اياقتايتىن بولادى.
ەسكە سالا كەتسەك, الەكسەي لۋتسەنكو «الماتى تۋر 2017» كاسىبي xالىقارالىق ۆەلوجارىسىنىڭ ءۇش دۇركىن چەمپيونى.
