ەندى مارات جىلانباەۆتىڭ ءىزىن جالعاستىرۋشىلار باتىس قازاقستان وبلىسىنداعى بوستاندىق اۋىلىنان شىقتى. 20 قىركۇيەك كۇنى بوستاندىقتىق ەدىلجان قوسبولوۆ پەن مەرجان سەرىكوۆ جالپاقتال اۋىلىنان بوستاندىق اۋىلى اراسىنداعى 47 شاقىرىم قاشىقتىقتى 4 ساعاتتا باعىندىردى. تاڭعى ساعات 6.00-دە جۇگىرۋدى باستاعان ولار 10.00-دە بوستاندىق اۋىلىنا كەلىپ جەتتى. وسىنداي مارافونشى جىگىتتەردى بوستاندىق اۋىلىنىڭ تۇرعىندارى سالتاناتتى تۇردە قارسى الدى.
بۇنىڭ ءوزى اۋدانىمىزدا ەلدىڭ اتىن شىعارار سپورتشى جاستاردىڭ كوپ ەكەنىن بايقاتادى. تەك سولارعا ۋاقىتىندا قولداۋ بولىپ جاتسا, بولاشاقتا مارافوننان عانا ەمەس, باسقا سپورت تۇرلەرىنەن دە رەكوردشىلار تابىلاتىنى ءسوزسىز. سوندىقتان ەدىلجان مەن مەرجانعا مارات جىلانباەۆتاي گيننەستىڭ رەكوردتار كىتابىنا ەسىمدەرىڭ جازىلسىن دەگەن تىلەگىمىزدى وقىرماندار اتىنان بىلدىرەمىز!
ءمولدىر انۋاربەكقىزى
باتىس قازاقستان وبلىسى,
قازتالوۆ اۋدانى
