№1 ەمحانانىڭ قۇنى باستاپقىدا 224 ميلليون تەڭگە, №2 ەمحانانىڭ قۇنى 347 ميلليون تەڭگەگە باعالانعان-دى. وبلىس ورتالىعىنداعى №1 قالالىق ەمحاناسىندا 69 مىڭ ادام, №2 ەمحانادا 65 مىڭ تۇرعىن تىركەلگەن.
ءسويتىپ, 21 قىركۇيەكتە وتكەن ەلەكتروندى اۋكتسيون ناتيجەسىندە ەمەحانالاردىڭ ءبىرى 900 ميلليون تەڭگەگە, ەكىنشىسىسى 950 ميلليون تەڭگەگە سەنىمدى باسقارۋعا بەرىلدى. ياعني, ەمحانالاردى ساتىپ الۋعا بولادى. دەنساۋلىق ساقتاۋ نىساندارىن ساتىپ الۋشىلار سەنىمدى باسقارۋ كەزىندە ەمحانالاردىڭ بۇرىنعى باعىتىن ساقتاۋى, جالپى مەديتسينالىق كومەكتىڭ كەپىلدى كولەمى اياسىندا قىزمەت كورسەتۋگە مىندەتتەلەدى. بىراق, وبلىستىق قاجى باسقارماسىندا ەمحانالارعا سەنىمدى باسقارۋعا بەرۋ تۋرالى كەلىسىمشارت ازىرگە جاسالماعان كورىنەدى.
ەكى ەمحانانىڭ بولاشاق يەلەرىنىڭ دە كىم ەكەندەرى بەلگىسىز. وبلىستىق دەنساۋلىق ساقتاۋ باسقارماسى بۇل جاڭاشىل قادام, وزگەرىستەر تۇرعىنداردىڭ دەنساۋلىقتارىن ودان ءارى جاقسارتۋ ماقساتىندا جاسالۋدا.ەكىنشىدەن, الداعى ۋاقىتتا باسەكەگە قابىلەتتى ورتادا ءوز ورنىن ساقتاپ قالۋ ءۇشىن ەمحانانى جەكەشەلەندىرۋگە العان ينۆەستورعا قوسىمشا قارجى سالىپ, قىمبات قۇرال-جابدىقتار ساتىپ الۋعا جانە اقىلى قىزمەتتەر ءتىزىمىن ارتتىرۋعا دا تۋرا كەلەدى دەپ وتىر.
ەلەكتروندى ساۋداعا شىعارىلعان دياگنوستيكالىق ورتالىق الداعى 20 كۇن ارالىعىندا تاعى دا كوميسسيا شىعارىپ, ساتىلىمعا قويىلماقشى. ەكىنشى رەت ەلەكتروندى ساۋداعا شىعارىلعان كەزدە الۋشى ونىڭ قۇنىن باستاپقى باعاسىنان 50 پايىزعا دەيىن تومەن باعاعا ساتىپ الۋ مۇمكىن.
فاريدا بىقاي
«ەگەمەن قازاقستان»
پاۆلودار
