مۇمكىندىكتەرى شەكتەۋلى ادامدار

ولاردىڭ نەگىزگى قۇقىقتارىن قامتاماسىز ەتۋ – وزەكتى ماسەلەنىڭ ءبىرى كەشە پارلامەنت ءماجىلىسى توراعاسىنىڭ ورىنباسارى ۆلاديمير بوب­روۆتىڭ جەتەكشىلىك ەتۋىمەن ۇكىمەت ساعاتى ءوتتى. وندا ەڭبەك جانە حالىقتى الەۋمەتتىك قورعاۋ ءمينيسترى گۇلشارا ءاب­دى­قا­لىقوۆا «مۇمكىندىكتەرى شەكتەۋلى ادامداردى الەۋمەتتىك قولداۋ جانە وڭالتۋ جۇيەسىن دامىتۋ» تاقىرىبىندا بايانداما جاسادى. سونىمەن قاتار, بايانداماشى وسى ماسەلە توڭىرەگىندە دەپۋتات­تاردىڭ سۇراقتارىنا جاۋاپ بەردى. ۆلاديمير بوبروۆ الەۋمەتتىك قولداۋدى دامىتۋ جانە ءمۇم­كىن­دىكتەرى شەكتەۋلى ادامدارعا جاع­داي جاساۋ ءبىزدىڭ مەملەكەتىمىزدىڭ بەلسەندى جۇرگىزىپ كەلە جاتقان با­سىم­دىق بەرىلگەن ساياساتى ەكەنىن ايتىپ ءوتتى. مۇنىڭ نەگىزىندە مۇگەدەك­تەر­دىڭ ءومىر ءسۇرۋ دەڭگەيىن جاقسارتۋ ماقساتى جاتىر. بۇگىن تالقىلانىپ وتىرعان ءمۇم­كىندىكتەرى شەكتەۋلى ادام­دار­دىڭ نەگىزگى قۇقىقتارىن قامتاما­سىز ەتۋ وزەكتى ماسەلەنىڭ ءبىرى ەكە­نى راس. جانە بۇل مىنا ءجايت­تەرگە بايلانىستى. قازىرگى ۋاقى­ت­تا ەلىمىزدە 563 مىڭنان استام ءمۇ­گەدەك جان تۇرادى, ولار حالىقتىڭ جال­پى سانىنىڭ 3%-دان استامىن قۇ­راي­دى. بۇگىندە مۇگەدەكتىك جانە ءمۇ­گەدەكتەردى الەۋمەتتىك قولداۋ ۇعىمى وزگەرىپ, جاڭا سيپاتتا ىسكە اسىرىلۋدا. ايتالىق, بۇعان دەيىن ۇكىمەتتىڭ الدىندا الەۋمەتتىك ءتو­لەمدەردى ۋاقتىلى تولەۋ ماسە­لەسى عانا تۇرسا, قازىرگى تاڭدا بۇل مىندەت كەڭەيىپ, مۇگەدەكتەردى وڭال­تۋ, ولاردى قوعامعا كىرىكتىرۋ ماسە­لە­لەرىن قامتيدى, دەدى گ.ابدىقا­لىق­و­ۆا. بۇعان قوسا بيىل ارناۋلى الەۋ­مەتتىك قىزمەت كور­سەتۋ جۇيەسىندە 2009 جىلى باس­تالعان رەفورما­لار­دىڭ ءبىرىنشى كەزەڭى اياقتالىپ كەلەدى. مۇمكىن­دىكتەرى شەكتەۋلى ادام­داردىڭ قۇ­قىقتارىن قامتاماسىز ەتۋ جانە ءومىر ءسۇرۋ ساپاسىن جاق­سارتۋ ءۇشىن قازاقستاندا بىرقاتار ماڭىزدى زاڭداردىڭ قابىلدانعا­نىن ايتا كەتكەن ءجون. سونىمەن قاتار, قازاقستان ءمۇ­گەدەكتەردىڭ قۇقىقتارى تۋرالى كونۆەنتسيا مەن ونىڭ فاكۋلتاتيۆتىك حاتتاماسىنا قول قويۋ ار­قىلى مۇمكىندىكتەرى شەكتەۋلى ادامدارعا قاتىستى حالىقارالىق ستاندارتتاردى يمپلەمەنتاتسيالاۋ, ياعني جۇزەگە اسىرۋ بويىنشا مىندەتتەمەلەردى قابىلدادى. بي­ىل مينيسترلىك مۇددەلى مەملەكەتتىك ورگاندارمەن, حالىقارالىق ءجا­نە ۇكىمەتتىك ەمەس ۇيىمدارمەن بىرلەسە وتىرىپ, ۇزاق مەرزىمدى بو­لاشاققا ارنالعان ۇلتتىق ءىس-قي­مىل جوسپارىنىڭ جوباسىن داي­ىن­دادى. بۇل ءىس-شارالاردىڭ اۋ­قىم­دى بولىگىن مۇگەدەكتىككە ۇشى­راۋ قاتەرىنىڭ الدىن الۋ قۇرايدى. مينيستر ءوزىنىڭ سوزىندە اتال­عان توپتاعى ادامدارعا قاتىستى اتقارىلعان, اتقارىلۋى ءتيىس جۇ­مىس­تار مەن مىندەتتەر تۋرالى كە­ڭى­نەن اڭگىمەلەدى. پروبلەمالار مەن ولاردى شەشۋدىڭ جولدارى حاقىن­دا دا جان-جاقتى ءسوز قوزعادى. ۇكىمەت ساعاتىن ۆلاديمير بوبروۆ قورىتىندىلادى. ول بۇگىنگى تالقىلانعان ماسەلە قوعام ءۇشىن ماڭىزى زور ەكەنىن ايتتى. دەپۋتاتتار كوتەرگەن ماسەلەلەر مەن العا تارتقان ۇسىنىستار مينيستر­لىكتىڭ قىزمەتىندە نازارعا الىنا­تىنىنا سەنىم ءبىلدىردى.