ەندى مىنە, سول ماسەلە شەشىلدى. قازاقستان رەسپۋبليكاسىنىڭ باسشىسى ن.نازارباەۆ پەن رەسەي فەدەراتسياسىنىڭ باسشىسى ۆ.ءپۋتيننىڭ بىلتىر بولعان كەزدەسۋى كەزىندە قول قويعان كەلىسىمىنە سايكەس 2017 جىلدىڭ 26 قىركۇيەگىنەن, ياعني بۇگىننەن باستاپ «استانا-ورال» جانە «الماتى-ورال» باعىتىنداعى العاشقى «تۇلپار-تالگو» تيپىندە جاساقتالعان جۇردەك جولاۋشىلار پويىزى جولعا شىقتى.
«استانا-ورال» باعىتىنداعى پويىز «استانا-نۇرلى-جول» بەكەتىنەن 26 قىركۇيەك كۇنى ساعات 11:33-تە (استانا ۋاقىتى) شىعىپ, ورال قالاسىنىڭ تەمىرجول بەكەتىنە 27-ءشى قىركۇيەك كۇنى ساعات 11:42-دە (جەرگىلىكتى ۋاقىت) كەلىپ توقتايدى.
ال «الماتى-ورال» باعىتىنداعى پويىز «الماتى-2» بەكەتىنەن 26 قىركۇيەك كۇنى ساعات 20:17-دە (استانا ۋاقىتى) قوزعالىپ, ورال قالاسىنىڭ تەمىرجول بەكەتىنە 28 قىركۇيەك كۇنى 09:37-دە (جەرگىلىكتى ۋاقىت) توقتايدى.
«ورال-استانا» باعىتىنداعى پويىزدىڭ ءجۇرۋ ۇزاقتىعى 26 ساعات 14 مينۋتتى قۇراپ, 14 ساعات 33 مينۋتقا قىسقارادى. ال «ورال-الماتى» باعىتىنداعى پويىزدىڭ ءجۇرۋ ۇزاقتىعى 37 ساعات 11 مينۋتتى قۇراپ, 22 ساعات 29 مينۋتقا قىسقارادى. «ساراتوۆ-الماتى» باعىتىنداعى پويىزدىڭ ءجۇرۋ ۇزاقتىعى 40 ساعات 47 مينۋتتى قۇراپ, 10 ساعات 9 مينۋتقا قىسقارادى.
«ورال-استانا» باعىتىنداعى پويىز تاق كۇندەرى, «ورال-الماتى» باعىتىنداعى پويىز جۇپ كۇندەرى جۇرەدى.
جولاۋشىلار بيلەتىنىڭ باعاسى: «ورال-استانا» – 9 102 تەڭگە (كۋپە), 17 623 تەڭگە (ليۋكس), «ورال-الماتى» – 16 232 تەڭگە (كۋپە).
ءار پويىز 27 ۆاگوننان تۇرادى. ونىڭ 22-ءسى جولاۋشىلار, 2-ءۋى مەيرامحانا, 3-ءۋى قىزمەت ۆاگونى.
ايتا كەتۋ كەرەك, جولاۋشىلار تاسىمالىنىڭ تيىمدىلىگىن ارتتىرۋ ماقساتىندا رەسەي مەن قازاقستاننىڭ مەملەكەتتىك شەكارالارىنان ءوتۋ كەزىندەگى تەكسەرىستەر الىپ تاستالدى.
راس, بيلەت باعاسى ءسال قىمباتتاعانى بايقالادى. الايدا «ەڭ قىمبات نارسە – ۋاقىت» دەگەن زاماندا الىستى جاقىنداتىپ, ۋاقىتتى ۇنەمدەيتىن بۇل جاڭالىقتى ورالدىقتار قۋانا قابىلداپ جاتىر.
قازبەك قۇتتىمۇرات ۇلى
«ەگەمەن قازاقستان»
