قور وكىلىمەن كەزدەستى

«نۇر وتان» حدپ-نىڭ ورتالىق اپپاراتىندا پارتيا توراعاسىنىڭ ءبىرىنشى ورىنباسارى نۇرلان نىعماتۋلين جاڭا تاعايىندالعان كونراد قورىنىڭ قازاقستانداعى وكىلى اموس حەلمسپەن كەزدەستى. كەزدەسۋ بارىسىندا ەكى تاراپ تا ءبىزدىڭ ەلىمىز بەن گەرمانيا اراسىن­دا­عى ەكىجاقتى ىنتىماقتاستىقتى ودان ءارى دامىتۋ ءۇشىن پارتيا­ارا­لىق پىكىر الماسۋدى جەتىلدىرۋدى مالىمدەدى. كونراد ادەناۋەر اتىنداعى قور­دىڭ ساياسي ماڭىزى بار. ونىڭ نەگىزگى كوزقاراسى گفر-داعى جەتەكشى پار­تيا­لاردىڭ ءبىرى – حريستيان-دەمو­كراتيالىق وداعىمەن ۇندەس. بۇل پارتيا «نۇر وتان» پار­تيا­سى­مەن ءبىراز ۋاقىتتان بەرى ارىپتەستىك قارىم-قا­تى­ناستا. قورمەن تىعىز ىنتىماق­تاستىق نەگىزىندە ازيا ەلدەرى ساياسي پارتيالارىنىڭ حالىق­ارا­لىق باس اسسامبلەياسىنىڭ بەسىنشى كونفە­رەن­تسياسى وتكىزىلىپ, وندا «نۇر وتان» توراعا بولىپ ساي­لان­دى. القالى باس­قوسۋ بارىسىندا استانا دەكلارا­تسيا­سى قابىلدانىپ, وندا مەملەكەت باسشىسىنىڭ نەگىزگى سىرتقى ساياسات­تاعى باستامالارى كورىنىس تاپتى. جۇزدەسۋ بارىسىندا ەلىمىز ءتاۋ­ەل­سىزدىك العان 20 جىلداعى جەتىستىكتەرىمىز ءسوز بولدى. نۇرلان نىع­ما­تۋليننىڭ ايتۋىنشا, ەلىمىزدە دە­مو­كراتيالىق قايتا قۇرۋلار بارى­سىن­دا پرەزيدەنت – پارتيا ءتور­اعا­سى نۇرسۇلتان نازارباەۆتىڭ جەكە ءوزى ۇلكەن ءرول اتقاردى. قور ءتور­اعا­سى قازاقستان پرەزيدەنتىنىڭ الەم­دىك قوعامداستىقتاعى بەدەلى­نىڭ جو­عا­رى ەكەندىگىن ايىرىقشا اتاپ ءوتتى. نۇرلان نىعماتۋلين مەن اموس حەلمس ەلىمىزدەگى ساياسي جانە ەكو­نوميكالىق ۇدەرىستەر توڭىرەگىندە پىكىر الماسىپ, شەتەلدەردەگى ساياسي پارتيالارمەن, حالىقارالىق ۇيىم­دارمەن بىرلەسكەن جوبالار جانە ىنتىماقتاستىق جايىندا وي ءبو­لىستى. «ەگەمەن-اقپارات».