«ازيا ويىندارىنا تۇڭعىش رەت ەنگەن ۇلتىمىزدىڭ ءتول ونەرى – قازاق كۇرەسىنەن وتكەن ءدۇبىرلى دوداعا قاتىسىپ قانا قويماي, التىن جۇلدەگەر اتانعانىما وتە قۋانىشتىمىن. «كىشى وليمپيادا» سانالاتىن ازيا ويىندارىنا قازاق كۇرەسىنىڭ ەنۋى تاريحي وقيعا. ۇلتتىق سپورتىمىزدىڭ قانشالىقتى دارەجەگە كوتەرىلگەندىگىنىڭ ايعاعى. جارىسقا كەلسەك, قارسىلاستارىمنىڭ ەشقايسىسى وسال بولعان جوق. جەرەبە بويىنشا بەلدەستىك. اۋەلى تاجىكپەن كۇرەستىم, ودان كەيىن جەرەبە ەكى تۇرىكمەنگە قاتارىنان ءتۇستى. ولارمەن وتكەن بەلدەسۋ مەن ءۇشىن كىشكەنە اۋىرلاۋ بولدى. قانشا دەگەنمەن ءوز جەرلەرىندە ءوتىپ جاتىر عوي. كەيبىر ۇپايلارىمدى ەسەپتەمەي قويعان تۇستارى دا بولدى. بىراق مەن تازا جەڭىسكە جەتتىم. فينالدا قىرعىز بالۋانىمەن سايىسقا ءتۇسىپ, باسىمدىعىمدى تانىتىپ, كوك تۋىمىزدى جەلبىرەتىپ, ءانۇرانىمىزدى اۋەلەتتىم. قازان ايىندا قازاق كۇرەسىنەن الەم چەمپيوناتى وتەدى. ەندى سول جارىسقا ازىرلىكتى باستايمىن», دەيدى ازيا ويىندارىنىڭ چەمپيونى.
ازامات قاسىم,
«ەگەمەن قازاقستان»
وسكەمەن
سۋرەتتەردى تۇسىرگەن
ءماناپ مۇرزاتاەۆ
