كاددافي قازا تاپتى

ەكى كۇننەن بەرى الەمنىڭ بۇ­قارالىق اقپارات قۇرالدارى لي­ۆيانىڭ بۇرىنعى باسشىسى مۋاممار كاددافيدىڭ قازا تاپ­قانى تۋرالى حابارلاپ جاتىر. ليۆيا ۇلتتىق وتپەلى كەڭەسىنىڭ پرەمەر-ءمينيسترى ماحمۇد دجي­بريلدىڭ مالىمدەۋىنشە, م.كاددافي تۇتقىندالعان كەزدە جارالى جانە ءتىرى بولعان. ونىڭ كوزىن جويۋ جونىندە بۇي­رىق بەرىلمەگەن. پولكوۆنيكتى اۋرۋحاناعا الىپ بارا جاتقان­دا, ونىڭ جاقتاستارى مەن ءوت­پەلى كەڭەس اسكەرلەرى اراسىندا اتىس بولعان. اتىس كەزىندە م.كاددافيدىڭ باسىنا وق ءتيىپ, قايتىس بولعان. باق-تار م.كاددافيدىڭ «سوڭ­عى مينوتتەرىنە» بايلانىستى ءارتۇرلى بولجامدار ايتۋدا. ءبىر­قا­تار باق-تار م.كاددافي جانە ونىڭ جاقتاستارى قورشاۋدى بۇ­زىپ, قاشۋعا ارەكەت جاساعانىن, ولار مىنگەن اۆتوكەرۋەنگە اۋەدەن سوققى بەرىلگەنىن, امان قالعان بۇرىنعى ەل باسشىسى مەن شاعىن توپ قالاداعى كارىز قۇبىرىندا جاسىرىنىپ جاتقاندا تۇتقىنعا الىنعانىن جازادى. ال كۋا­لار­دىڭ ءبىرى «رەيتەر» اگەنتتىگىنە «كاددافيدى تۇتقىندالعانعا دەيىن كۇزەتشىلەرىنىڭ ءبىرى اتىپ ءولتىردى», دەپ مالىمدەگەن. دەگەنمەن, ليۆيا­نى 42 جىل باسقارعان پولكوۆنيك اتىس كەزىندە باسىنا تيگەن وقتان قازا تاپتى دەگەن اقپارات قي­سىنعا كەلەتىن سياقتى. كەشە م.كاددافيدىڭ ءولى­مى­نە بايلانىستى اقش, رەسەي, باس­قا دا بىرقاتار مەملەكەت­تەر­دىڭ باسشىلارى ەندى ليۆيادا ساياسي تۇراقتىلىق ورنايتىن­دى­عىنا سەنىمدى ەكەندىكتەرى تۋ­را­لى مالىمدەدى. ال پولكوۆنيك ەلدە قاۋىپسىزدىكتى قامتاماسىز ەتۋگە بايلانىستى «قۇپيا ورىن­دا» جەرلەنبەك. قاي كۇنى جەرلەنەتىنى قازىرگە بەلگىسىز.