فوتو: ازامات قاسىم, «ەگەمەن قازاقستان»
قالاداعى جەڭىس ساياباعىنىڭ جانىنان ورىن تەپكەن دارا تۇلعا ەسكەرتكىشىنىڭ اشىلۋ سالتاناتىنا پارلامەنت ءمəجىلىسىنىڭ دەپۋتاتتارى, زيالى قاۋىم وكىلدەرى مەن شاھار جۇرتشىلىعى قاتىستى. «وبلىسىمىزدا الاش قوزعالىسىنىڭ 100 جىلدىعىنا وراي جىل باسىنان بەرى كوپتەگەن ءىس-شارالار ۇيىمداستىرىلدى. بۇگىنگى ءىس-شارا سونىڭ ەڭ اۋقىمدىسى ءارى ەڭ ماڭىزدىسى ەكەنى انىق. بارلىقتارىڭىزدى الاش ارداقتىسى ءاليحان بوكەيحان ەسكەرتكىشىنىڭ اشىلۋىمەن قۇتتىقتاي وتىرىپ, وبلىس اكىمى دانيال احمەتوۆتىڭ جولداعان لەبىزىن جەتكىزگىم كەلەدى. بۇل ەسكەرتكىش وسكەلەڭ ۇرپاق ءۇشىن, ۇلت مۇددەسى ءۇشىن عازيز جاندارىن قۇربان ەتكەن الاش قايراتكەرلەرىنە تاعزىم جاسايتىن قاستەرلى ورىنعا اينالادى دەپ سەنەمىز», - دەدى ەسكەرتكىشتىڭ اشىلۋ راسىمىندە ءسوز العان شىعىس قازاقستان وبلىسى اكىمىنىڭ ءبىرىنشى ورىنباسارى نۇرىمبەت ساقتاعانوۆ.
سالتاناتتى شاراعا استانادان ارنايى كەلگەن پارلامەنت ءماجىلىسىنىڭ دەپۋتاتى, «اقجول» پارتياسىنىڭ توراعاسى ازات پەرۋاشەۆ الاش كوسەمىنىڭ الاش قالاسىنىڭ تورىنەن ورىن الۋى شىعىس جۇرتىنىڭ عانا ەمەس, بۇكىل ەلىمىزدىڭ قۋانىشى ەكەندىگىن اتاپ ءوتتى.
قولادان قۇيىلعان, بيىكتىگى 5 مەتردەن اساتىن, وڭ قولىنا اسىق ۇستاعان الاش قايراتكەرى ەسكەرتكىشىنىڭ اۆتورى باقىتبەك مۇحامەدجانوۆ كەسكەكتى ءداۋىردىڭ كەسەك تۇلعاسىنىڭ بەينەسىن سومداۋ وڭايعا سوقپاعانىن ايتادى. ء«اليحان بوكەيحان ەسكەرتكىشىن جاساۋ باقىتى ماعان بۇيىرعانىنا قۋانىشتىمىن. الاش ارداقتىسى اسىقتى قولىنا بەكەرگە ۇستاپ تۇرعان جوق. قازاقتىڭ اسىعى الشىسىنان تۇسسە دەپ سانالى عۇمىرىن ۇلت مۇددەسىنە سارپ ەتكەن قايراتكەردىڭ ەسكەرتكىشى ارقىلى حالقىمىزدىڭ بولمىس-ءبىتىمىن, ارمان-اڭسارىن كورسەتكىم كەلدى», - دەيدى ءمۇسىنشى.
الاش قوزعالىسىنىڭ 100 جىلدىعىنا ارنالعان شارالار لەگى ودان ارى «الاش جانە رۋحاني جاڭعىرۋ: ۇرپاقتار ساباقتاستىعى» اتتى حالىقارالىق عىلىمي-تاجىريبەلىك كونفەرەنتسيامەن جالعاستى. ءبىلىم جانە عىلىم مينيسترلىگى, حالىقارالىق تۇركى اكادەمياسى, سەمەي قالالىق اكىمدىگى مەن شəكəرىم اتىنداعى ۋنيۆەرسيتەتتىڭ ۇيىمداستىرۋىمەن وتكەن القالى جيىندا عاريفوللا ەسىم, زيابەك قابىلدينوۆ سىندى عالىمدار مازمۇندى بايانداما جاسادى.
ازامات قاسىم,
«ەگەمەن قازاقستان»
