ۇلتتىق ەكونوميكا ءبىرىنشى ۆيتسە-ءمينيسترى رۋسلان دالەنوۆ ەكونوميكالىق ءوسىم الدىن الا باعالاۋ بويىنشا بيىل 8 ايدا 4,3% دەيىن قارقىنداعانىن ايتتى. سىرتقى ساۋدا شامامەن ۇشتەن ءبىر ەسەگە ءوستى, ينفلياتسيا باياۋلادى جانە ماقساتتى ءدالىز شەگىندە ورنالاسقان. وسى تۇرعىدا Moody’s جانە S&P رەيتينگتىك اگەنتتىكتەرى تاۋەلسىز كرەديتتىك رەيتينگى بولجامىن تۇراقتىعا دەيىن جاقسارتتى (Moody’s – Baa3, S&P – (BBB-), Fitch – BBB).
ەكونوميكانىڭ شيكىزاتتىق ەمەس سەگمەنتىندە وڭ سەرپىن بايقالۋدا, شيكىزاتتىق ەمەس سەكتوردىڭ ۇلەسى 2,3 پايىزدىق پۋنكتتى قۇراسا, شيكىزاتتىق سەگمەنت ۇلەسى 1,6 پۋنكتتى قۇرادى.
جالپى ءوسىمنىڭ جوعارى قارقىنى التى نەگىزگى سالانىڭ تورتەۋى بويىنشا بايقالۋدا (ونەركاسىپ, ساۋدا, كولىك جانە قاتتاۋ, اقپارات جانە بايلانىس), ءوسىم قارقىندارىنىڭ باياۋلاۋى قۇرىلىس جانە اۋىل شارۋاشىلىعىندا بايقالعان.
تاۋ-كەن ءوندىرۋدىڭ 11,3% جانە وڭدەۋدىڭ - 6,1% سينحروندى ءوسىمنىڭ ارقاسىندا 8,5% قۇراپ, ونەركاسىپ ءوسىمنىڭ ەڭ جوعارى قارقىنىن كورسەتىپ وتىر. بۇل سوڭعى 6 جىلداعى ماكسيمالدى ءوسىم. تاۋ-كەن ءوندىرۋ ونەركاسىبىندە ايتارلىقتاي ءوسىم كومىر, مۇناي, تابيعي گاز جانە مەتالل كەندەرىن وندىرۋدە تىركەلگەن.
وڭدەۋ ونەركاسىبىندە ءوسىم ءۇردىسى ازىق-ت ۇلىك وندىرىسىندە (5,8% ءوسىم), جەڭىل ونەركاسىپتە (11,5%), فارماتسەۆتيكادا (33,7%), مەتاللۋرگيادا (7,6%), مۇنايدى قايتا وڭدەۋدە (6,4%) جانە ماشينا جاساۋدا (6,3%) بايقالىپ وتىر.
سونىمەن قاتار, اۋىل شارۋاشىلىعىنداعى ءوسىم ماۋسىمدا 3,1% جەتىپ, وسىمدىك شارۋاشىلىعى ءوندىرىسىنىڭ تومەندەۋى ناتيجەسىندە قاڭتار-تامىزدا 1,9% دەيىن باياۋلادى. قۇرىلىس سالاسىنىڭ ءوسۋ قارقىنى ءبىرىنشى جارتىجىلدىقتا 5,9% دەيىن ارتىپ, شىلدەدە باياۋلادى (0,7%) جانە 8 ايدىڭ قورىتىندىسى بويىنشا 0,1% دەيىن نولدىك مانگە جاقىندادى. سالانىڭ باياۋلاۋى ونەركاسىپ عيماراتتارى مەن قۇرىلىستارىن سالۋدىڭ ازايۋىمەن بايلانىستى.
ونەركاسىپ سەكتورىنداعى ىسكەرلىك بەلسەندىلىكتى جاڭعىرتۋ كەزىندە قىزمەت كورسەتۋ سالاسىنىڭ تۇراقتى ءوسىم تراەكتورياسىنا شىققانى بايقالىپ وتىر. بيىل 8 ايدا كولىك قىزمەت كورسەتۋى 4,7% ءوستى, ساۋدا مەن بايلانىس 2,9%-دان ۇلعايدى.
قر پرەمەر-ءمينيسترى باقىتجان ساعىنتاەۆ مەملەكەت باسشىسىنىڭ مىندەتتەرىن ورىنداۋ بويىنشا, اسىرەسە اۋىل شارۋاشىلىعى مەن قۇرىلىستاعى شارالاردى ىسكە اسىرۋدى جالعاستىرۋ, سونداي-اق مەملەكەتتىك باعدارلامالار اياسىندا قاراجاتتى يگەرۋدى مۇقيات باقىلاۋ قاجەت ەكەنىن اتاپ ءوتتى. مينيسترلەر كابينەتىنە ەكونوميكالىق ءوسىمنىڭ جينالعان قارقىنىن ساقتاۋ بويىنشا جۇمىستى جالعاستىرۋ تاپسىرىلدى.
