ىتىماقتاستىققا ۇمتىلادى

الماتىدا تۇركىتىلدەس مەملەكەتتەر ىنتىماقتاستىعى كەڭەسىنىڭ ءسامميتى اياسىندا بيزنەس-فورۋم جانە تۇركىتىلدەس ەلدەردىڭ ىسكەرلىك كەڭەسىنىڭ العاشقى ءماجىلىسى بولىپ ءوتتى. القالى جيىنعا تۇركيا, ازەربايجان, قىرعىزستان جانە قازاقستان مەملەكەتتەرىنىڭ وكىلدەرى قاتىستى. حالىقارالىق فورۋم جۇمىسىنىڭ كۇن تارتىبىنە بىرقاتار ماڭىزدى ماسەلەلەر قويىلدى. سونىمەن قاتار, وندا تۇركىتىلدەس مەملەكەتتەردىڭ ىسكەرلىك كەڭەسىن قۇرۋ تۋرالى كەلىسىمگە دە قول قويىلدى. تۇركىتىلدەس ەلدەردىڭ ىسكەرلىك كەڭەسىنىڭ العاشقى ماجىلىسىندە ءسوز العان «اتامەكەن» قازاقستان ۇلت­تىق-ەكونوميكالىق پالاتاسىنىڭ باس­قارما توراعاسى ابىلاي مىر­زاح­مەتوۆ جينالعاندارعا ءتۇبى ءبىر تۋىس, باۋىرلاس ەلدەر اراسىنداعى ىنتىماقتاستىق بايلانىس كەلەشەككە جارقىن جول اشاتىندىعىن تىلگە تيەك ەتتى. – كوپشىلىككە بەلگىلى, بۇگىنگى كۇننىڭ جوعارى تالابىنا وراي ۇلت­تىق بيزنەستى ودان ءارى دامىتىپ, وركەندەتۋگە ارنالعان جاڭا جول­دار­دى ىزدەستىرىپ تابۋ ەڭ باستى ماسەلەلەردىڭ ءبىرى. ىسكەرلىك كەڭە­سى­نىڭ بۇگىنگى العاشقى وتىرىسىنا قاتىسىپ وتىرعان تۇركيا, ازەر­باي­جان, قىرعىزستان جانە قا­زاق­ستان مەملەكەتتەرىندەگى ۇيىمدار­دىڭ جەتەكشىلەرىنىڭ دە بيزنەس سا­لاسىنداعى بولاشاقتاعى جوبالا­رى, مىنە, وسىنداي مىندەتتەردەن تۋىندايدى. ءبىزدىڭ مەملەكەتتەرىمىزدىڭ ارا­سىن­داعى ەجەلدەن قالىپتاسقان دوس­تىق, ءداستۇرلى قارىم-قاتىناس, سونداي-اق ەلىمىزدىڭ ورنا­لا­سۋىن­داعى گەوگرافيالىق جاقىندىقتىڭ كوپشىلىككە بەرەرى مول. انىعىراق ايتقاندا, مۇنداي مۇمكىندىك مەملەكەت ەكونوميكاسىن قارقىندى دا­مى­تۋ باعىتىندا بىرلەسىپ, جەمىستى ەڭبەك ەتۋگە ىقپال ەتەتىندىگى ءسوز­سىز. «ىنتىماق بار جەردە – ىرىس بار» دەپ حالقىمىز ايتقانداي, بار­­لىعىمىز بىرلەسىپ, كاسىپكەرلەر مۇددەسىنە وراي, ىسكەرلىك كەڭەسىنىڭ جۇ­مىسىن وركەندەتەتىنىمىزگە مە­نىڭ سەنىمىم مول, – دەدى ابىلاي مىر­زاحمەتوۆ ءوز ويىن ورتاعا سالىپ. قازاقستاننىڭ تۇركى تىلدەس مەم­لەكەتتەر ىنتىماقتاستىعى كە­ڭە­سىنە ەنەتىن ەلدەرمەن اراسىن­داعى بايلانىسى ۋاقىت وتكەن سايىن ارتا تۇسۋدە. ال, سىرتقى ەكو­نوميكالىق قاتىناستا تاۋار اينالىمىنىڭ 40 پايىزعا ءوسۋى دە كوپ نارسەدەن حابار بەرسە كەرەك. «اتامەكەن» پالاتاسىنىڭ ءما­لىمەتتەرى بويىنشا, قازاقستاننىڭ تۇركيامەن اراداعى تاۋار اينا­لى­مى جانە ينۆەستيتسيا بويىنشا تى­عىز بايلانىس ورناعان. ماسەلەن, ەلىمىزدە تۇرىك ارىپتەستەرمەن بىرلەسكەن ءبىر مىڭعا جۋىق كاسىپورىن قۇرىلعان. سونداي-اق, ازەرباي­جان­مەن, قىرعىزستانمەن اراداعى ىسكەرلىك بايلانىستار دا ودان ءارى دامي تۇسۋدە. حالىقارالىق فورۋمدا ازەربايجان رەسپۋبليكاسىنىڭ كاسىپكەرلەر ۇيىمى ۇلتتىق كون­فەرەنتسياسىنىڭ پرەزيدەنتى مامەد مۇساەۆ, قىرعىزستان ساۋدا-وندىرىستىك پالاتاسىنىڭ پرەزيدەنتى مارات شارشەكەەۆ جانە باس­قا­لار كۇن تارتىبىندەگى ماسەلەلەر ءتو­ڭى­رەگىندە ءوز پىكىرلەرىن ورتاعا سالدى. تۇركىتىلدەس مەملەكەتتەر ىن­تىماقتاستىعى كەڭەسىنىڭ باس حات­شىسى حاليل اكىندجي ءوز كەزەگىندە كەدەندىك قىزمەتتەگى تۇيتكىلدەر توڭىرەگىندە وي قوزعادى. – مەملەكەتتەر اراسىنداعى ساۋ­دا اينالىمى تۋرالى ءسوز قوز­عال­عاندا كەدەندىك ماسەلە, سونداي-اق ترانزيتتىك قۇجاتتار الۋ ءما­سە­لەسى الدان شىعاتىندىعى اقيقات. سون­دىق­تان, بارلىعىمىز بىرلەسىپ ءبىز­دىڭ ەلدەرىمىزگە ارنالعان ىسكەرلىك قاتىناستىڭ جەڭىلدەتىلگەن جۇيە­­سىن قۇرۋىمىز قاجەت. سونى­مەن بىرگە, ىسكەرلىك كەڭەس اياسىندا كولىك جانە بايلانىس اگەنتتىگىن قۇرۋدىڭ ءتورت مەملەكەت ءۇشىن دە بەرەرى مول, – دەدى باس حاتشى. بيزنەس-فورۋمدا ءتورت مەملە­كەت­تىڭ كاسىپكەرلەرى ەكى جاقتى كەزدەسۋلەر وتكىزدى. جيىندى ۇيىم­داس­تىرۋشىلاردىڭ پىكىرىنشە, مۇن­داي جۇزدەسۋلەر جاڭا كەلىسىم-­شارت­تار­عا جول اشىپ, ىنتىماقتاستىقتى ۇل­عايتپاق. باقىت بالعارينا. الماتى.